Молитва перед началом вышивки иконы

Господи Иисусе Христе,Сыне Боже, Сый не описан по естеству Божества,и ради спасения человека в последние дни от Девы Богородицы Марии неизреченно воплотивыйся, и благоволивый тако во плоти описуем быти, иже святый образ пречистого лика Твоего на святом убрусе напечатлен еси, и оным недуг князя Авгаря уврачевал еси, душу же его просветил еси во еже познати истиннаго Бога нашего, Иже Святым Духом вразумил еси божественнаго апостола Твоего и евангелиста Луку написати образ Пречистыя Матере Твоея, держащей Тебя, яко младенца, на объятиях Своих, и рекшей:"Благодать от Мене Родшагося, Мене ради, да будет с сим образом": сам, Владыко, Боже всяческих, просвети и вразуми душу, сердце и ум рабы твоей ( имя вышивающего), и руки ее направи, во еже безгрешно и изрядно изображати жительство Твое, Пречистыя Матере Твоея, и всех Святых, во славу Твою, ради украшения и благолепия святые церкве Твоея, и во отпущение грехов всем, духовно покланяющимся святым иконам, и благоговейно лобызающим оныя, и почитание относящим к Первообразу. Избави же ее от всякого диавольского наваждения, егда преуспевает заповедях Твоих, молитвами Пречистыя Матере Твоея, Святаго славного апостола и еванглиста Луки и всех Святых. Аминь.
Молитва перед началом всякого дела
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Благослови, Господи, и помози ми, грешному, совершити дело, мною начинаемо, во славу Твою.
Господи, Иисусе Христе, Сыне Единородный Безначальнаго Твоего Отца, Ты рекл еси пречистыми усты Твоими, яко без Мене не можете творити ничесоже. Господи мой, Господи, верою объем в душе моей и сердце Тобою реченная, припадаю Твоей благости: помози ми, грешному, сие дело, мною начинаемо, о Тебе Самом совершити, во имя Отца и Сына и Святаго Духа молитвами Богородицы и всех Твоих святых. Аминь.