Предыдущая публикация
ДЎСТ БИЛАН ОБОД УЙИНГ
Дўст билан обод уйинг,
Гар бўлса у вайрона ҳам,
Дўст қадам қўймас эса,
Вайронадир кошона ҳам.
Интизор ҳар уй диловар
Дилкушолар базмига,
Гар оёк кўйса қабоҳат
Йиғлагай остона ҳам.
Яхши дўстлар даврасида
Очилурсан ҳар замон,
Кўркни шода ичра топгай
Марварид дурдона ҳам.
Сўрма мендан, ким дилоро,
Дўстми ё жонона деб,
Дўст менинг кўнглимдадир,
Жонимдадир жонона ҳам.
Кочма ростгўй дўстларнинг
Коҳишу озоридан,
Кадди рост шамнинг тилидан
Ўртанур парвона ҳам.
Дўст қидир, дўст топ жаҳонда,
Дўст юз минг бўлса оз,
Кўп эрур бисёр душман
Бўлса у бир дона ҳам.
Ким сенга ҳамроз эмасдир,
Боғараз деб ўйлама,
Гоҳи душманлик килурлар
Кўл сикиб дўстона ҳам.
Дўсти содик йўқ экан деб
Ўртаниб куйма ва лек,
Меҳр уйин кенг очсанг, Эркин,
Дўст бўлур бегона ҳам.
Эркин Воҳидов
Следующая публикация
Комментарии 1