Предыдущая публикация
ԱՍՊԱՍ.
«ՌԵԱԼԸ» ՀԵՏԱՔՐՔՐՎՈՒՄ ԷՐ ԻՆՁԱՆՈՎ
Կրիշտիանու Ռոնալդուի հեռանալուց հետո Մադրիդի «Ռեալը» նոր հարձակվող պետք է ձեռք բերեր, ու հնարավոր նորեկների շարքում եղել է նաև Յագո Ասպասի անունը:
«Սելտայի» հարձակվողն անձամբ է հաստատել այդ տեղեկությունը, բայց տրանսֆերը չի կայացել, քանի որ «Ռեալը» որոշեց ձեռք բերել Մարիանոյին:
«Նրանք անձամբ իմ հետ չեն կապնվել, բայց հետաքրքրվածություն եղել է: Տեղյակ չեմ, թե արդյո՞ք ակումբները բանակցել են այդ հարցի շուրջ: Նրանք ձեռք բերեցին Մարիանոյին հարձակվողի դիրքը փակելու համար:
Ես միշտ ասել եմ, որ երբեք չգիտես, թե ինչ կլինի ֆուտբոլում, բայց դեռևս 4 տարվա պայմանագիր ունեմ «Սելտայի» հետ ու շատ երջանիկ եմ այստեղ»,- նշել է նա:
Ասպասն ու թիմակիցները մի քանի օրից մրցելու են «Ռեալի» դեմ, ու ֆուտբոլիստն անդրադարձել է «Ռեալի» վատ մեկնարկին:
«Այդ խաղին պատրաստվում ենք, ինչպես բոլորին, բայց այսպիսի խաղերում խաղալն ու դրանք դիտելը մեծ հաճույք է: Նրանց կազմում շատ փոփոխություններ են եղել, ու շատերն են հեռացել: Բայց այժմ էլ նրանց կազմում աշխարհում լավագույն ֆուտբոլիստներն են ընդգրկված:
Կրիշտիանու Ռոնալդուն բազմաթիվ գոլեր էր խփում ու լրացնում էր որոշ բացեր: Ինչ վերաբերում է Խուլեն Լոպետեգիին, ապա նրան բավարար ժամանակ չտրվեց իր մեթոդները կիրառելու համար: Արդյունքները կարևոր են, ու նորմալ է, որ մարդիկ ու ղեկավարությունը սկսում են բարկանալ: Ինձ, օրինակ, շատ էր դուր գալիս Լոպետեգին ու նրա մարզչական կազմը»,- եզրափակել է Ասպասը:
Следующая публикация
Нет комментариев