Предыдущая публикация
Ayrılaq
Deyirsən ayrılaq nə deyirəm ki
Axan göz yaşımı sil salamat qal
Səni canından çox sevən insanı
Bu gündən bir ölü bil salamat qal
Rastlaşsaq hardasa çıxma üzümə
Çən,çiskin gözünlə baxma üzümə
Yığıb xatirəni düzüm –düzümə
Eyləmə ömrümü kül salamat qal
Gecədən sübhətək üzmə özünü
Çox sınağa çəkmə yazıq dözümü
Axtarma təzədən vüsal çözümü
Söyləsin əlvida dil salamat qal
Ürək sevən olsa sınmazdı axı
Çatıb həsrət odu yanmazdı axı
Gözlər ki dərdini danmazdı axı
Bacar gözlərindən gül salamat qal
Mən dərdin əlindən aldım badəni
Çox gördüm fələkdən barmaq hədəni
Geri döndərməzlər çıxıb gedəni
Məni həsrətinlə böl salamat qal
Yalançı sevgilər qəm ovutammaz
Hər dəsmal esq tökən yaş qurudanmaz
O sevgi geriyə ta qayıdanmaz
Olmayın yalandan dil ,salamat qal
Следующая публикация
Нет комментариев