"БИТТА ЯХШИ ҚИЗ КЕРАК"

(илтимосларга кура)
Куйган дилга муз керак,
Ёки ширин сўз керак,
Уйланишга жон акам,
Битта яхши қиз керак.
Онам тез уйлан дейди,
Қишлоқни айлан дейди,
Ҳозир бўлса қанийди,
Битта яхши қиз керак.
Саҳронинг шамоли бор,
Боғимда шафтоли бор,
Бошида рўмоли бор,
Битта яхши қиз керак.
Бой-бадавлатли эмас,
Сарви-қоматли эмас,
Менга чин ёр бўлса бас,
Битта яхши қиз керак.
Аёлнинг ҳам марди бор,
Қийноғи бор,шарти бор,
Юрагида дарди бор,
Битта яхши қиз керак.
Сиз томондан бўлса ҳам,
Узбек- Точик бўлса ҳам,
Конибодомда бўлса ҳам,
Битта яхши қиз керак.
Дилимга дилсўз керак,
Гўзал қошу-кўз керак,
Шоир акам жон акам,
Битта яхши қиз керак.