Әле генә җирдә февраль иде,
Бүген давыл җиргә кар ташый,
Март аеның нечкә билле җиле
Сузлып ятып җиргә кар ашый.
(Һади Такташ)
Бүген бездә хәзер апрель яши,
Тиздән инде май да киләчәк;
Күктән кояш киң елмаеп җиргә
Учлап-учлап нурлар сибәчәк.
Ә ул нурлар җир өстенә төшеп
Яшел үлән, чәчкә булачак;
Күктә очкан сабан тургайлары
Матур итеп сайрап торачак.
Җылы якта кунак булып
Торналар да инде кайттылар,
Үзем күрдем- бүген күктә
Алар тезлеп канат кактылар.
Алар хәзер оя кора инде,
Оялыйлар сазлык буенда;
Көз җиткәнче торна тавышлары
Ишетелер безгә тагын да.
Тыңлый, тыңлый кошлар сайраганын
Җирдә яшәү нинди рәхәт!
Ә нигә соң дөнья тыныч түгел,
Тирә якта сугыш һәм афәт.
Чит илләрдә кеше әллә нишли,
Байлыктанмы туеп сикерә;
Ата улны, инә кызны белми,
Кыланышлары ачу китерә.
Ничәмә ил безнең илгә каршы,
Котырганнар кебек- сүз дә юк!
Кулларыннан килсә, күз дә йоммый
Юк итәрләр иде бүген үк.
Ышанам мин якты киләчәкә,
Илебезнең бар бит кодрәте;
Дошманнарны җиңеп чыгар өчен
Җитәр аның көче, куәте!
Дәниф Хангиров
2022 ел.
Присоединяйтесь к ОК, чтобы подписаться на группу и комментировать публикации.
Комментарии 9