Предыдущая публикация
У панядзелак 26.
02.2018 адбылася закрытая прэзэнтацыя-абмеркаванне медыятэкі #Этнаўсё для экспертнага кола. Сімвалічна, што прэзэнтацыя адбылася ў будынку першай публічнай бібліятэкі горада Мінска.
На сустрэчу былі запрошаныя прафесіяналы ў галіне этнаграфіі: даследчыкі, супрацоўнікі профільных установаў навукі і адукацыі, журналісты і дакументалісты, якія працуюць у галіне этнаграфіі і традыцыйнай беларускай культуры. Не ўва ўсіх запршаных спецылістаў атрымалася прыйсці. Але тым ня менш, імпрэзу наведала каля 20 спецыялістаў з ключавых профільных установаў: ІМЭФ НАН, Універсітэта культуры, Акадэміі музыкі, Інбелкульта, Лабараторыі фальклору БДУ, Акадэміі мастацтваў. Арамя таго, прыстунічалі незалежныя даследчыкі, журналісты, дакументалісты і прадстаўнікі праекта "Традыцыя".
Атрымалася цёплая сустрэча, што называецца, "без гальштукаў". Было заўважна, што для многіх удзельнікаў гэта была прыемная нагода пабачыць калег па цэху ў нефармальнай абстаноўцы. Адбылася прэзэнтацыя ідэі праекта, былі прадэманстраваныя тэхнічныя магчымасці і перспектывы развіцця медыятэкі, акрэслены юрыдычны грунт праекта і пытанні аўтарскага права ў дзейнасці бібліятэк.
Былі атрыманыя вельмі станоўчыя водгукі, прагучалі шэраг карысных заўвагаў і цікавых прапановаў супрацы. Многія спецыялісты пажадалі далучыцца да праекта і нават далучыць сваіх студэнтаў, пра што ўжо прызначаны працоўныя сустрэчы. Выказаны інтарэс вельмі цешыць і натхняе на далейшую працу. Спадзяемся, гэта была не апошняя сустрэча такога фармату.
Шчыра дзякуем усім, хто наведаў сустрэчу. А таксама "Студэнцкаму этнаграфічнаму таварыству" за прадастаўлены праектар, "Ахове птушак бацькаўшчыны" за пераносны экран, арт-кафэ "Грай" за цудоўнае стылёвае памяшканне і смачны пірог :)
Будзем вельмі ўдзячныя прысутным за водгукі аб імпрэзе і медыятэцы, публічна ці прыватна.
Ну а наша праца працягваецца, і цяпер мы рыхтуем вялікую публічную прэзэнтацыю медыятэкі, якая адбудзецца ў сакавіку. Дата ўдакладняецца, таму сачыце за навінамі :)
Следующая публикация
Нет комментариев