----------
•Бир бой киши камбағал одамга ачиган таомлар тўлдирилган идишни узатди. (Камбағал хурсанд бўлиб идишни уйига олиб кириб кетди) Камбағал идишни бўшатиб, уни тозалаб олиб чиқди. Ўрнига чиройли гулларни тўлдирди. Уни бойга олиб чиқди. Бой ҳайрон қолди. Камбағалдан нима учун бундай қилганини сўради: «Сенга айниган нарсаларга тўла идиш берсам, сен эса ўрнига гул тўлдириб чиқибсан!».
Фақир айтди: «Ҳар бир инсон қалбидаги нарсани беради».
Ибрат ва хулоса:
Қалбингизда доим гўзал нарсалар бўлсин!!!
©Факиха م
•Аллоҳ таолога эллик йил ибодат қилдим, лекин ибодатнинг ҳаловатини токи учта нарсани тарк қилгунимча топмаган эдим:
1. Одамларнинг розилигини тарк қилиб, ҳақни гапиришга қодир бўлгунимча.
2. Фосиқларнинг суҳбатини тарк қилиб, солиҳларнинг суҳбатини топгунимча.
3. Дунё ҳаловатини тарк қилиб, охират ҳаловатини топгунимча.
©Аҳмад ибн Ҳарб рoҳимаҳуллоҳ.
•Уял, эй виждон! Уял!
Бу борлиқни маълум бир низомга солиб қўйган Зотнинг ишларини идрок этгин-у, ўз қуллик баҳоинг нақадар паст эканига уял!
•Сен бир тутам сочингни бир-бирига қоришиб, чигаллашиб кетмасин дея тинмай парвариш қилар экансан, қалашиб ётган, аммо бири иккинчисига ҳалал бермай, ўз вазифасини бажараётган миллион-миллион томирларга қараб уял!..
©Факиха م
•Ризқ икки хил бўлади:
Бири сени қидирадиган ризқ.
Бири сен қидирадиган ризқ.
Сени қидирадигани ожиз бўлсанг ҳам, сени топиб боради.
Сен қидирадиган ризққа эса фақат саъй-ҳаракат билан эришасан. Бу ҳам ризқингдир.
Биринчиси Аллоҳнинг фазли, иккинчиси Аллоҳнинг адолатидир.
Нақадар адолатлисан, Роббим!
©Али ибн Абу Толиб родияллоху анху.
•Ғамларнинг кўплиги қовоқ солиш учун мантиқий сабаб эмас. Пайғамбар соллаллоҳу алайҳи ва саллам инсонлар орасида энг ғами кўп киши бўлишларига қарамай, инсонларнинг энг сертабассуми эдилар.
©Оиз Қарний Ҳафизаҳуллоҳ.
•Киши ёлғиз қолганда ҳам ҳаром амалларни бажараётган бўлса, ё Аллоҳниг кузатиб турувчи эканига иймони йўқ ёки иймон этгани ҳолда Аллоҳдан қўрқмай, уялмай маъсият қиляпти.
©Шайх Маҳмуд Асъад Жўшон ҳазратлари қуддиса сирруҳу.
•Бирор кимсага боғланиб қолсанг, Аллоҳ сенга боғлиқлик аламини тоттириб қўяди. Бунинг сабаби шуки, Ўзига қайтишинг учун У Зот бошқага боғланиб қолган қалбингни ундан тўсади.
Роббим, қалбларимизни фақат Ўзингга боғла!
©Имом Шофеъий рохимахуллох.
Гўдаклардаги қуйидаги бешта хислат агар катталарда бўлганида, улар авлиё бўлар эдилар:
1.Ризқ ҳақида қайғурмайдилар;
2.Касал бўлсалар Холиқдан шикоят қилмайдилар;
3.Таомни кўпчилик билан бирга ейдилар;
4.Қўрқсалар кўзларидан ёш оқизиб йиғлайдилар;
5.Биров билан уришиб қолсалар, тезда ярашиб оладилар.
©Жалолиддин Суютий роҳимаҳуллоҳ.
•Қалб сиррига эришган зотларни биласанми, қанақа бўлишади?
Ғазабланмайдилар!
Хафа бўлмайдилар!
Қалбни вайрон қилмайдилар!
Қалблари вайрон ҳам бўлмайди!
Ҳар бир нарсада гўзалликни кўрадилар!
Ҳар бир нарсани инсон боласидан деб билмайдилар,
Роббиларидан деб биладилар!
Ҳар бир нарсани Ундан умид қилиб, кутадилар!
Сукут сақлайдилар!
Сукут сақлаб туриб (сукут орқали, қалбдан) гаплашадилар!
Ҳазрати Мавлоно Жалолиддин Румий қуддиса сирруҳу
•Қайси нарса ҳосилсиз пайтида ҳам, ҳосилдорлик пайтида ҳам семираверади?
•Қайси нарса иккала ҳолатда ҳам озаяверади?
•Қайси нарса асалдан ҳам ширин ва тугаб қолмайди?.
•Ҳосилсиз пайтида ҳам, ҳосилдорлик пайтида ҳам семирадиган мўмин кишидир. Аллоҳ ризқ берса, шукр қилади, мусибат келса, сабр қилади.
•Ҳосилсиз пайтида ҳам, ҳосилдорлик пайтида ҳам озаяверадиган нарса кофирдир. У берганига шукр қилмайди, мусибатга учраса, сабр қилмайди.
•Асалдан ҳам ширин ва тугамайдиган нарса — Аллоҳ таоло мўминлар орасига солиб қўйган дўстликдир.
©Толҳа ибн Мусарриф рохимахуллох.
•Сен ўзингни сираям ёмон, гуноҳкор инсонлар билан муқояса этма (солиштирма) гин ки, ўзингни "Авлиё" деб билиб қоласан!
Яхши, солиҳ инсонлар билан муқояса эт (солиштир) гин ки, хатоларингни кўрасан!
МAВЛОНО ЖАЛОЛИДДИН РУМИЙ ҚУДДИСА СИРРУҲУ
------------
•Албатта, Дин айтиладиган сўз ва амал қилинадиган сулукдан иборатдир.
Агар сўз сулукдан ажраса, узилса, айтилаётган насиҳат, қилинаётган даъват зое бўлади.
©Шайх Муҳаммад Мутаваллий Шаъровий рохимахуллох.
-----‐-----
•Кишининг гавҳари уч нарсададир:
• Фақирликни яшириш:
Ҳатто инсонлар иффатинг сабаб сени бой деб ўйлашади.
• Ғазабни яшириш:
Ҳатто инсонлар сени рози деб ўйлашади.
• Машаққатни яшириш:
Ҳатто инсонлар сени неъмат ичида деб ўйлашади».
©Имом Шофеъий раҳимаҳуллоҳ.
Присоединяйтесь к ОК, чтобы подписаться на группу и комментировать публикации.
Нет комментариев