-------
У мен билан гаплашганда сиддиқ эди, ваъда берганда устидан чиқди.
Мухаммад соллаллоху алайхи васаллам.
Абул Ос ибн Робиа Абшалий ёшлигининг гуллаган даврида Қуройшлик йигитлардан бири эди. Кўзга ташланадигон жозиба ва гўзал чехра билан ажралиб турар эди. Унга Аллох мансаб , бойлик ва обрў-эътибор насиб қилган эди. У араблар орасида таниқли баходир, фахрланса арзигулик хулқ эгаси, қатъиятлилик, довюраклик, содиқ ва ишончлиги хамда ота -бобосининг меъросига хурмати баландлиги билан хавасга лойиқ йигит эди.
Абул Ос яна Қуройшликларнинг савдо -сотиқ ишларига қизиқишини хам мерос олган эди. Уларнинг одатига мувофиқ Яманга қишда Шомга эса ёзда сафар қиларди. Унинг карвони. Юз туя ва икки юз одамдан ташкил топиб, тўхтовсиз Макка ва Шом йўналишида сафар қилар эди. Унинг ишбилармонлик ва ишончлилик холатини билган одамлар бажонидил унга молларини ва савдо сотиқ ишларини топширар эдилар.
Унинг аммаси Хадиджа бинти Хувайлид , Мухаммад соллаллоху алайхи васалламнинг завжаси унга ўз онасидай эди ва Абул Ос хам у аёлнинг қалбида мухим ўринда эди, уйида хам худди шундай қадрли эди.
Мухаммад соллаллоху алайхи васалламнинг Абул Осга бўлган мухаббати Хожарникидан кам эмас эди.
Мухаммад соллаллоху алайхи васалламнинг уйида хам кетма кет йиллар ўтиб, катта қизи Зайнаб гўзал очилган гулдай , бўйига етиб қолди. У шу қадар гўзал эдики , унинг қўлини Макканинг энг мансабдор кишилари ўғлига сўрар эди. Нега ундай бўлмасин? Ахир у Қуройшликларнинг энг қадимий сулоласидан бўлса, хурматли ота-онанинг фарзанди бўлса, Қуройш қавмининг ичида энг тарбияли ва одобли қиз бўлса. Унинг розилигини қандай хам олиш мумкин эди? Ахир орада аммасининг суюклиси Абул Ос турса.Зайнаб бинти Мухаммад ва Абул Осларнинг никохидан бир неча йил ўтиб, Макка водийси илохий нур билан чарақлади. Аллоҳ Ўзининг пайғамбари Мухаммад соллаллоху алайхи васалламни хақ калима билан, рисолат билан жўнатди ва қавмдошларини огох этишга буюрди. Росулуллох соллаллоху алайхи васалламга биринчи бўлиб аёли Хадича бинти ва Хувайлид ва қизлари Зайнаб, Руқоя, Умму Кулсум ва Фотималар иймон келтирди. Гарчи улар хали жуда кичкина қизчалар эдилар.
Бироқ куёви Абул Ос ота -бобосининг динидан қайтишни хохламади. Аёли Зайнабнинг динини рад этди, гарчи унга мухаббати ва хурмати баланд бўлса хам.
Росулуллох соллаллоху алайхи васаллам билан Қуройш мушрикларининг қарама – қаршиликлари авжига чиққан пайтда уларнинг баъзилари бошқа мушрикларга шундай дедилар:
“Халок бўлинг, сизлар ўғилларингизни унинг қизига уйлантириб Мухаммаднинг ташвишини енгиллатдингиз. Агар уларни ўзига қайтариб юборсангиз, ўзи билан ововра бўлиб сизларни тинч қўяди”. Улар жавоб берди:
“Бу тўғри фикр”, дейишди. Сўнг Абул Оснинг ёнига келиб шундай дейишди:
“Эй Абул Ос , аёлингни жавобини бериб отасининг уйига жўнатиб юбор. Биз сенга хохлаган дунёдаги энг гўзал қизингни никохлаб қўямиз, унданда яхшисига”.
“Йўқ, Аллохга қасам, менга ундан бошқа хеч керак эмас. Унга хеч ким тенг кела олмайди”, деди у. Лекин Руқоя ва Умму Кулсумлар ажрашиб отасининг уйига қайтиб келишган эдилар. У Зот Абул Ос хам шундай қилишини хохлар эдилар. Бироқ Абул Ос қавмдошларига ўхшаб бундай қилишга ўзида куч топмади. Бунинг устига муслима билан мушрикнинг никохи хам шариатда қайтрилмаган эди.
Росулулох соллаллоху алайхи васаллам Мадинага кўчиб ўтгандан сўнг у ерда анча мустахкамланиб қолганда, Қуройшликлар лашкарини тўплаб мусулмонларга қарши курашга отланаётган эдилар.
Шариатни тақозосига кўра Абул Ос хам ушбу жангда иштирок этишига тўғри келди. Шахсан унга мусулмонларга қарши курашиш, уларга бирон зиён етказиш суюксиз эди. Лекин Абул Оснинг қавмини ичида мансаби шунга мажбур қилар эди. Бадр жанги Қуройшликлар иши мағлубияти билан якунланди ва мушрикларни обрўсини йиқитди, бошлиқларни мансаби бир пуллигини аниқланади. Душманнинг жангчиларининг баъзиси ўлдирилди ва баъзиси асирга олинди. Асирга олинган Қуройшликларнинг орасида Зайнаб бинти Мухаммаднинг турмуш ўртоғи Абул Ос хам бор эди.
Росулуллох соллаллоху алайхи васаллам асирларни озод қилиш учун бир мингдан тўрт минггача динорни белгилади. Озод қилиш нархи асирнинг қавмидаги обрўси ва мансабига қараб кўтарилар эди.
Макка ва Мадина йўлида Қуройшликлар асирларни озод қилиш учун қатнай бошлашди. Зайнаб хам чопарини эри Абул Осни озод қилиш учун юборди. Асирга аталган молнинг ичида Зайнабга онаси Хадича бинти Хувайлид қолдирган тақинчоқ хам бор эди. Росулуллох соллаллоху алайхи васаллам бу тақинчоқни кўрганда юзида чуқур махзунлик пайдо бўлди ва қизига бўлган оталик мехри кўринди. Сахобаларига мурожаат қилиб Росулуллох соллаллоху алайхи шундай деди: “Зайнаб ушбу молларни Абул Осни озод қилиш учун юборибди. Агар имкон бўлса эрини ва молларини қайтариб юборинглар”.
“Ха албатта биз шундай қиламиз, кўнглингиз хурсанд бўлсин, ё Росулуллох соллаллоху алайхи васаллам”, - деди сахобалар.
Бироқ Росулуллох соллаллоху алайхи васаллам Абул Осни озод қилиш эвазига қизлари Зайнабни Мадинага жўнатиб юборишини шарт қилиб қўйди.
Маккага қайтиши билан Абул Ос берган ваъдасини бажаришга киришди. У аёлига сафарга тайёргарлик кўришини ва отаси Макка яқинида кутиб туришини айтди. Абул Ос унинг йўлига керакли жихозларни тайёрлаб, уловини хозир қилди ва аакаси Амр ибн Робиага кузатиб қўйишини ва қўлдан қўлга Росулуллох соллаллоху алайхи васалламнинг ёрдамчиларига топширишини тайинлади.
Елкасига камони ва ўқдонларини олиб, Амр ибн Робиа эгарга Зайнабни ўтказди. Кун ёйилиб барча Қуройшликларни кўз ўнгида Маккани чиқиш жойига йўл олди. Халқ жуда хавотирланиб ортидан чопишди ва етиб олишди. Бу одамлар Зайнабни чўчитиб , қўрқитиб юборишди. Шунда Амр камонига ўқни солиб уларга қаратди ва деди: “Аллохга қасам ким унга яқинлашса, томоғига ўқ ейди”. Барча Амирнинг мохир камончи эканини ва у отган ўқ албатта мўлжалга тегишини билишар эди. Амрнинг ёнига одамлар ичида бўлган Абу Суфён ибн Харб келиб шундай деди: “Эй акамнинг ўғли! Ўқларинг билан бизни қўрқитишни бас қил, биз сен билан гаплашмоқчимиз”.
Амр камонини туширганда Абу Суфён давом этди: “Сен нотўғри иш қиляпсан. Хамма кўз ўнгида куппа-кундузи Зайнаб олиб кетяпсан. Ахир Бадр жангидаги ахволи биласан. Бошимизги шундй мусибат тушиб турса. Уни отаси бошимизга не кунларни солган бўлса. Сен хозир қилмоқчи бўлганингдек , агар уни очиқчасига олиб чиқиб кетсанг, барча қавмлар бизни қўрқоқликда айблашади ва шарманда қилишади. Шунинг учун одамларни кўз ўнгида уни уйингга қайтариб юбор, сўнгра одамлар озгина тинчигач, хаммадан яширинча уни отасига жўнатиб юбор. Уни жўнатмасликка сабабимиз йўқ”.
Бунга рози бўлган Амр Зайнаб билан Маккаа қайтди. Бир қанча кун ўтгач ўз қўли билан уни отасининг чопарларига топширди, акасининг топшириғига биоан.
Аёлидан айрилган Абул Ос бир қнча муддат Маккада яшади. Макка фатх бўлишидан олдинроқ Шомга савдо ишлари билан жўнаб кетди. Маккага қайтаётганда Абул Оснинг юз туя ва бир юз етмишга яқин одами бўлган карвони Росулуллох соллаллоху алайхи васалламнинг аскарларига учради. Жангчилар туяларни ва молларни олдилар ва карвон одамларини эса асир олдилар. Бироқ Абул Ос қочишга эришди ва уни қувиб етолмадилар. Қорнғу тунда Абул Ос яширинча Мадинага кириб олди ва Зайнабдан омонлик сўради ва Зайнаб омонлик берди.
Бомдод намозига чиққан Росулуллох соллаллоху алайхи васаллам мехробда туриб Аллохни улуғлади ва масжид ахли хам уни сўзини қайтардилар. Шу махалда аёллар учунажратилган жойда турган Зайнаб сўз бошлади: “Эй Одамлар мен зайнаб бинти Мухаммадман, Абул Осга ёрдам бермоқчиман, сизлар хам ёрдам беринг”.
Намозини тугатгач Росулуллох соллаллоху алайхи васаллам одамларига ўгирилиб қаради ва деди: “Сизлар хам мен этитган нарсани эшитдингизми?” Улар жавоб бердилар: “Ха, ё Росулуллох соллаллоху алайхи васаллам”.
Росулуллох соллаллоху алайхи васаллам дедилар: “Аллохга қасамки, сизлар эшитган нарсани эшитмагунимча хеч нарсадан хабарим йўқ эди. Мусулмонларнинг қариндошларидан ёрдам сўрабди экан”. Уйга қайтгач Росулуллох соллаллоху алайхи васаллам қизларига деди: “Абул Осни яхшилаб мехмон қил, лекин сен унга халол эмас эканлигингни билиб қўй”.
Сўнг карвонни эгаллаб олган сахобаларни чақирди ва деди: “Сизлар эгалаб олган карвоннинг эгалари бизнинг юртдошларимиздан ва сизлар буни биласизлар. Агар сизлар яхшилик қилиб молини қайтариб берсангиз бизни хурсанд қилган бўласиз. Агар бермасангиз бу сизга Аллох томонидан берилган ўлжа ва бунга хаққингиз бор”.
Одамлар деди: “Йўқ, биз унга молини қайтариб бермаиз”. Абул ос молларини олгани келганда одамлар унга шундай дедилар: “Эй Абул Ос сен Қуройшликлар ичида обрў-эътиборга эга шахссан, бунинг устига Росулуллох соллаллоху алайхи васалламнинг амакисининг ўғлисан ва унинг куёв боласисан. Нега исломни қабул қилмайсан? Биз сенга барча молларингни қйтариб берамиз, хохлаганингча тасарруф этишинг мумкин. Бироқ Маккаликлар билан бўлишмайсан, Мадинада бизлар билан қоласан!”
Абул Ос жавоб берди: “Сизлар чақираётган нарса қандай хам ёмон! Нахотки ўз динимни хиёнатдан бошласам?”. Сўнг Маккага қайтиб молларни эгаларига топширди ва сўнгра деди: “Эй Қуройшликлар, бирортангизни менда хаққингиз қолмадими? Хаммага қайтариб бердимми?”. Улар жавоб берди: “Хаққимиз қолмади, барча нарсаларимизни қайтариб бердинг. Сени ишончли ва тўғри одам эканлигингни билдик”. Абул Ос деди: “Мен сизларга беришим керак бўлган бара нарсаларни бердим. Энди эса Аллохдан ўзга илох йўқлигига ва Мухаммад соллаллоху алайхи васаллам Аллохнинг қули ва Росули эканлигига гувохлик бераман. Аллохга қасамки, Мадинада Мухаммднинг ёнида сизларнинг моллларингизни эгаллаш учун исломни қабул қилди деб ўйлашларингизни истамадим, шунинг учун қабул қилмадим. Энди елкамдан омонатларингиз соқит бўлиб сизларга топширгач, исломни қабул қилдим”.
Сўнг Абул Ос Маккадан Росулуллох солаллоху алайхи васалламнинг ёнига жўнаб кетди. Ва у Зот соллаллоху алайхи васаллам уни хурсанд бўлиб кутиб олди ва аёлини қайтариб берди. Росулуллох соллаллоху алайхи васаллам у хақда: “У мен билан гаплашганда содиқ эди, ваъда берганда ваъдасини бажарди”, дедилар.
Присоединяйтесь к ОК, чтобы подписаться на группу и комментировать публикации.
Нет комментариев