Предыдущая публикация
ԱՆԿԱԽ ՀԱՅԱՍՏԱՆԻ 25 -
ԱՄՅԱԿԻՆ ՆՎԻՐՎԱԾ ՄԻՋՈՑԱՌՈՒՄ ԱԽԱԼՔԱԼԱՔԻ ԵՐԻՏԱՍԱՐԴԱԿԱՆ ԿԵՆՏՐՈՆՈՒՄ
Այսօր Հայաստանը
կրկին անկախ է և աշխարհասփյուռ հայության
հետ տոնում է իր անկախության 25 ամյակը: Սեպտեմբերի 21-ը նշանավոր օր է հայ ազգի համար, քանզի այդ
օրը նշում են Հայաստանի Անկախության տոնը , որի մասին հռչակագիրն ընդունվել
է 1990թ. օգոստոսի 23-ին:
Դրանով Հայաստանի
խորհրդային սոցիալիստական
հանրապետությունը լուծարվել
է և 1991թ. սեպտեմբերի 21-ին, Հայաստանի գերագույն
խորհրդի որոշմամբ անցկացվել է հանրաքվե` ԽՍՀՄ-ի կազմից դուրս գալու մասին: Ձայների
94,99 տոկոսի կողմ քվեարկությամբ
սեպտեմբերի
23-ին հռչակվել է Հայաստանի
անկախությունը:
Այսօր արդեն Անկախ Հայաստանը
25 տարեկան է: Տոնը նշվում է ոչ միայն Հայաստանում,
այլև՝ սփյուռքում,
այդ թվում` Ախալքալաքի Երիտասարդական
Կենտրոնում: Առավոտից կենտրոնում տիրում էր բարձր և տոնական
տրամադրություն.միջավայրը ևս տրամադրող էր, քանզի ամենուր փուչիկներ էին, և ծածանվում էին եռագույն դրոշները:
Պատանեկան միությունն ու
ԱԵԿ-ի սաները միջոցառման ընթացքում իրենց
բանաստեղծությունների և ուրախ երգերի միջոցով շնորհավորեցին բոլոր ներկաներին և համայն հայությանը` մաղթելով խաղաղ ու կապույտ
երկինք: Ստեղծելով տոնական բարձր տրամադրություն` միջոցառման ընթացքում իրենց պարային կատարումներով հանդես եկան նաև ԱԵԿ-ի
<< Հայք>> պարային համույթի սաները: Իսկ վերջում իր շնորհակալական
խոսքով հանդես եկավ ԱԵԿ-ի տնօրեն Արթուր Գաբրիելյանը` խաղաղություն և
բարեկեցություն մաղթելով հայ ժողովրդին:
Միջոցառումից հետո ԱԵԿ-ի պատանեկան միության համար կազմակերպվեց
հատուկ դասախոսություն` նվիրված Հայաստանի Հանրապետության Անկախությանը, որի
ընթացքում հայ ժողովրդի դեպի անկախություն տանող անցած ճանապարհի մասին պատմեց հասարակական
գործիչ Սարգիս Մկրտչյանը:
Следующая публикация
Нет комментариев