Предыдущая публикация
АНСЫЗ ДЕЛЕ...
Ансыз деле
жашоо жалган, өмүр аз!
өзөктү өрттөйт
деген бир сөз: “Өлүм ак!”
Андай болсо
арзыбаган нерсе үчүн,
Ачууланбай,
асыл курбум көңүл ач!
Жүрөгүңдө
ким бар, айтчы жашынган,
Жандилиңде
кандай сыр бар катылган?
Бар кезиңде
төгүлүп ал! Бир күнү
тилден калып,
“тырс!” дей түшөр асыл жан!
Көйгөй, санаа,
көртүйшүктүн көбүн көр!
Бирок эгер
эңсеп атса көңүлдөр,
Көрүшкүлө!
Ансыз деле күн келет,
Көрүшпөскө
“кум-жам” болчу өмүрлөр!
Сүйлөшкүлө,
көңүл сүйүп атканда,
Сыйлашкыла,
жүрөк кагып атканда!
Сырдашкыла,
таарынычтар тарасын,
Же сагынып,
арзып, өңдөн азганда!
Ансыз деле
жашоо жалган, өмүр аз!..
Ж.И.
Следующая публикация
Нет комментариев