Предыдущая публикация
669
Мен сюйгенле, керекмисиз, меннге, энди.
Сизден алыр, сизге берир, джокъ джугъум.
Сиз берлик да, мен берлик да тёленнгенди.
Башха затды, энди, мени, къоркъууум.
Юйюр бла, чырт чыкъмагъыз, сиз аллыма.
Джазыкъмакълыкъ, бир бек уллуд, сизлеге.
Джангы сагъыш, о къошмагъыз сагъышыма.
Мени кёрюб, гыбыр къараб, бир – бирге.
Сиз кимлесиз, сылыкъ ёсген бирер муртат.
Олсагъатда, билмей эгиз, сиз, муну.
Кёб соруугъа, излемейме, энди, джууаб.
Сибир десем, сибирликсиз, джолуму.
Кёрдюгюзмю, заман деген, залим затды.
Ёхтемликни, бир таб салад сыртындан.
Сизде, джашау, тургъаныча, къазауатды.
Сиз айтханлай, болалмады, алтындан.
Салгъан кюнде, бирер къанау, сизге джюген.
Ай, билдигиз, гитарамы къадарын.
Айнытмады, джарлы сизни, базар – тюкен.
От кюч тюлсюз, хар биреринг бир джалын.
Джерден эсе, Кёк бла ашхыд, этсенг оноу.
Аллай тюлсюз, болгъансыз да сиз суубаш.
Кюбюрледен, къаланса да, хар, кенг отоу,
Ай, не келсин, кёк тюйюбдю, сизге, къаш.
Хар кимге да, багъа берген, Джашау кюзгю.
Сиз, менгеча, мен да сизге, устаз тюл.
Заман джете, сиз билирсиз, тюлме кюлкю.
Эл эсинде халкъ джырчыма, тюлме кюл.
08.08.98. Эр Ёзден.
Следующая публикация
Нет комментариев