Предыдущая публикация
670
Терекни, джууа турад, къачны джангуру.
Палахгъа санамачы,
Былай, сен, муну.
Къач, ишин, билиб этед, джууад кирлени.
Терекге къыйналма да,
Джазыкъсын мени.
Битимде джорукъ башха, тёзер сууукъгъа.
Терекден сууукъма мен,
Бир ий джууукъгъа.
Чапракъла, агъадыла, джауумда, сабыр.
Алагъа, къыйналма бош,
Болмаз бир хайыр.
Телинге джарсыма да, къыйналчы манга.
Сагъышлы чыгъа эсем,
Сени ючюн, танга.
Терекге, джарсыр нёгер, толуду джерде.
Сен адам, ой, мен адам,
Сен, джарсы, менге.
Къачхыгъа, къарай келиб, къара халыма.
Сансызлыкъ бла, салма сен,
Заран джаныма.
Терекни, кирин джууад, къачны джангуру.
Къой, анга, къыйналма да,
Ангыла муну.
Джанымда, санга ушаш, джашилди мурат.
Эй, аны, сагъыш джауун,
Сарыгъа бургъанд.
Къачхыдан айыр кёзню, манга болчу сакъ.
Джанымда, ой къаллайды,
Агъыу чапыракъ.
09.09.98.
Орта Къарачай.
Следующая публикация
Нет комментариев