Предыдущая публикация
Ey ümid payımız - güman yerimiz
Ey bizi yox yerdən yaradan ALLAH!
Görsək də, kor idik fani dünyada,
Sənlə seçdik "ağı-qaradan",ALLAH!
Sən verdin qəlbə nur, zəkaya iman,
Bəxş etdin aləmi-İslama Quran.
Tək Sənin nuruna boyanır cahan,
Şənunə söz tapım haradan, ALLAH?
Hər şeyə qadirsən, Xaliqi-zaman
Hakimi-mütləqsən, Səndədir aman.
Tək Sənsən aləmi quran, yaradan,
Hər kəsi qəflətdən oyada ALLAH .
Əta Səndə, səxa Səndə, nur Səndə,
Mizan Səndə, Sirat Səndə, sur səndə.
Hər bir kəsin öz səhvini görsən də,
Həmişə bəndəyə yar olan ALLAH.
Səbrin, mərhəmətin - sahilsiz dəniz,
Sevgin, məhəbbətin hər şeydən əziz.
Peyğəmbər ümməti olan qul, kəniz
Nur tapar yoluna ayədən ALLAH,
Ey bizi nurunda qərq edən ALLAH
Следующая публикация
Нет комментариев