Предыдущая публикация
NODON BILAN
Aylamak oqilga suhbat bir nafas nodon bilan,
Bo'lgay osonroq vidolashmoq tanida jon bilan.
Selni kafti birla to'smoqdan ko'ra mushkul erur,
Bir tariqcha ish qilish befahmu bevijdon bilan.
Gul terish u birla o'z umrin gulin payhon etish,
Kirmagay oqil kishi gulshanaro hayvon bilan.
Fikri bir jom sutga bir tomchi zahar solgan kabi,
Suhbat etmak aqli yo'q, andishasiz inson bilan.
Ba'zi nodonga so'zim achchiq davo o'rnidadur,
Odamiy ba'zan qalampir-tuz yegay-ku, non bilan.
Befarosatlik kasallikdur, davosi ko'p qiyin,
Yondashib qolsa, barobar senga ko'rchipqon bilan.
Tingla ey, Chustiy mudom aqli rasolar suhbatin,
Qolgan umringda kamol top, o'tmasin nuqson bilan.
Следующая публикация
Комментарии 1