Предыдущая публикация
Սահարա անապատ
Սահարան մեր մոլորակի արևադարձային ամենախոշոր անապատն է: Զբաղեցնում է ավելի քան 9400000 ք.կմ տարածք: Միջին հուլիսյան ջերմաստիճանը կազմում է 30°-40°C, առավելագույնը` ստվերում +58°C, որը երկրագնդի վրա դիտված ամենաբարձր ջերմաստիճանն է: Տեղումների քանակն այստեղ աննշան է (մինչև 50 մմ): Երբեմն մի քանի տարի շարունակ անձրևներ ընդհանրապես չեն լինում: Սահարա անապատն զբաղեցնում է մայրցամաքի տարածքի գրեթե 25%-ը: Ջուրը Սահարայում անգնահատելի գանձ է: Իզուր չէ, որ մարդկանց հարստությունն այստեղ որոշվում է ունեցած ջրի քանակությամբ: Սահարայի ընդերքում առկա են ստորերկրյա ջրերի հսկայական պաշարներ: Դրանք երկրի մակերես են դուրս գալիս <<անշունչ>> անապատների ցածրադիր տեղամասերում` ստեղծելով <<կյանքի կղզիներ>>` օազիսներ: Ի դեպ մի զարմանալի, բայց միևնույն ժամանակ հետաքրքիր փաստ ևս. 1978 թ. փետրվարի 18-ին Սահարա անապատում ձյուն է տեղացել:
Следующая публикация
Нет комментариев