Предыдущая публикация
Oy yuzidan nur yog’di sim-sim,
Yur, muhabbat, ketdik bu yerdan.
Shirin tushlar ko’rsin sevgilim,
Yur, muhabbat, ketdik bu yerdan.
Biz ketsak, yer kengayib qolar,
Osmonlar ham enkayib qolar,
Bir qorako’z jilmayib qolar,
Yur, muhabbat, ketdik bu yerdan.
Na qildim, ey yuzlari zebo?
Aybim ne, deb so’rama aslo.
Bu dunyo shundayin bevafo,
Yur, muhabbat, ketdik bu yerdan.
Sen dilimda yashnagan chechak,
Biz birgamiz qayda yashasak.
Ne qibti bir qizga yoqmasak,
Yur, muhabbat, ketdik bu yerdan.
Следующая публикация
Нет комментариев