Төрт түрдүү адамды эч качан таштап койбо!
Аялыңды, балдарыңды, үй-бүлөңдү, досторуңду.
Төрт түрдүү нерсе менен сулуулан!
Сабыр, жумшактык, илим, берешендик.
Төрт түрдүү нерсеге кыянаттык кылба!
Аллага, Пайгамбарыңа, диниңе, мекениңе.
Төрт түрдүү нерседен алыс бол!
Арактан, кумардан, сүткордуктан, зынадан (никесиз арам ишке баруудан).
Төрт түрдүү нерседен сактан!
Шайтандан, напсинин азгырыгынан, шахваттан (арам нерселерди эңсөөдөн), жаман достон.
Төрт түрдүү адамга таш боордук кылба!
Жетимге, мискинге, кедейге, ооруп жаткан адамга.
Төрт түрдүү адамга суук мамиле кылба!
Ата- апаңа, ага-иниңе, эже-карындашыңа.
Төрт түрдүү адамдын ачуусуна тийбе!
Аалымдын, мугалимдин, такыба адамдын, карыянын.
Төрт түрдүү нерсени аткарба!
Бой көтөрбө, текебердик кылба, көрө албастык кылба, кек сактаба.
Төрт түрдүү адам менен дос болбо!
Жалганчы, ууру, көрө албас, мен менсинген адам.
Төрт түрдүү нерсени такыр үзбөй аткар!
Намазды калтырба, Куран оку, зикр кыл, туугандар менен карым-катнашты үзбө.
Автор: Абдышүкүр ажы Нарматов
Присоединяйтесь к ОК, чтобы подписаться на группу и комментировать публикации.
Нет комментариев