Предыдущая публикация
Ҳазонлар хор бўлган кузлар келмадинг,
Йўлинга тўкилди кўзлар, келмадинг.
Бўғзимга минг қайта жоним келдию,
Шеър бўлди соғинчли сўзлар, келмадинг!
Ғунчалар қировда қолди, келмадинг,
Кел дедим, минг йилча бўлди, келмадинг.
Жабрлар ютдилар мени ямламай,
Сабрлар никоҳлаб олди, келмадинг!
Осмонни булутлар босди , келмадинг,
Умидлар ўзини осди, келмадинг.
Келар йўлларинга бошимни қўйиб,
Кутиш жондан ўтди, рости, келмадинг!
Ёки ишқ ўлмади, ё мен ўлмадим,
Ёки сен яшашга имкон бўлмадинг.
Қайси гуноҳларим учун билмадим,
Ё ажал келмади, ё сен келмадинг!
Следующая публикация
Нет комментариев