биз билган ва билмаган
сирлар...
Қуйида ҳаётни хурсандчилик,
завқу-шавқ, ижобийлик,
хотиржамлик ҳисларига
тўлдирувчи, илмий томондан
асосланган усуллар ҳақида гап
кетган. Улар билан танишгач,
ҳаётингиз яхши томонга
ўзгаришига шубҳа йўқ.
1. Буюмлардан кўра
тажрибани кўпроқ қадрланг.
Корнельск университети
профессори Томас Гилович
нима учун сотиб олинган
буюмларга қараганда, хотира
ва ёқимли таассуротларни
қадрлашимиз лозимлиги
борасида бир неча
тадқиқотлар ўтказди. Томас
Гилович “Шахсият ва
ижтимоий психология”
журналида берилган мақолада
келтирилишича, биз
буюмларимизни
бегоналарники билан
солиштирганимизда уни харид
қилганимиздаги ҳурсандчилик
йўққа чиқади. Шундан сўнг
қандай телевизор, компьютер
ёки машинамиз борлиги
аҳамиятсиз бўлиб қолади.
Кимдадир ундан яхшиси бор
ва биз эса бахтсизмиз. Бироқ
ҳаёт йўлимиздаги хотиралар
ва эгалланган тажриба сабабли
пайдо бўлан хурсандчилик ва
қаноатни бундай осон йўқотиб
бўлмайди. Тажриба, хотира ва
таассурот фақат ўзимизга
тегишли. Шу боис ҳам улар
ноёб. Маънавий бойликлар
бизга ҳар сафар бахт
улашаверади.
2. Ижобий фикр самарага
таъсир кўрсатади.
Ижобий психология
мутахассиси Шон Ахорнинг
таъкидлашича, бахтли
бўлишга стресс, ҳаётдаги
ёқимсизликлар, пул
етишмовчилиги ёки йўқлиги ва
бошқа омиллар таъсир
кўрсатади. Бахт
давомийлигининг 90 фоизи
атрофдаги олам таъсирига
боғлиқ. Шунингдек, ижобий
фикр дунёни ўзгартира олади.
Ижобий фикр қувват
даражасини, ижодкорлик ва
шахсий самарадорликни 30
фоизга оширади. Агар
ҳозирданоқ ижобий
фикрлашни бошламасангиз,
ҳеч қачон бой ва машҳур бўла
олмайсиз.
3. Салбий фикрлардан қочиш
керак.
Миямизда салбий фикрлар
қалашиб ётибди ва улардан
қочиш қийин. Мадрид
университетида ўтказилган
тадқиқот натижаларига кўра,
бунда энг самарали йўл —
барча фикрларни оқ қоғозга
тушириш ва уни йиртиб ахлат
қутисига улоқтиришдир.
Салбий фикрлар камайиши
билан руҳиятингиздаги стресс
ҳам камаяди. Буни бир бора
синаб кўринг ва натижасини
сезсангиз доимий равишда
давом эттиринг.
4. Спорт!
Биз ҳеч қачон спорт залидан
ёмон кайфиятда чиқаётган
одамни кўрмаганмиз. Бу ҳақда
илмий фактлар ҳам бор.
Торонтодаги университетда
ўтказилган қарийб 25 та
тадқиқотда жисмоний фаоллик
ва яхши кайфиятнинг
ўртасидаги боғлиқлик
ўрганилди. Хулоса шуни
кўрсатдики, жисмоний
фаоллик депрессия ва
қўрқувни енгишга ёрдам
беради.
5. Мириқиб ухланг.
Агар тўйиб ухламаган
бўлсангиз, кайфиятингиз ёмон
бўлиши шубҳасиз. Етарли дам
олмаган инсонда салбий
фикрлар кўпайиб кетади.
Тадқиқотчилар бир неча кун
ухламаган талабалардан
сўзлар рўйхатини эслаб
қолишини сўрашди. Энг қизиғи
талабалар салбий маъноли
сўзларни яхши (81 фоиз) эслаб
қолишган. Ижобий ва нейтрал
сўзларни эслаб қолиш
кўрсаткичи паст (31 фоиз)ни
ташкил этган.
6. Бугун билан яшанг.
Ўтмишни унутинг, келажакдан
қўрқманг. Ҳозир ва шу ерда
яшанг. Гарвард тадқиқотчиси
Мэтт Киллингворт биз ҳозир ва
шу ерда яшасак бахтли
бўлишимиз, узоқ ўтмиш ва
келажак хаёли билан банд
бўлсак, ўзимизни бахтсиз ҳис
қилишимизни исботлади. Бу
хулоса 15000 инсонни
ўрганиш асосида олинган.
7. Миннатдорчилик рўйхатини
тузинг.
Миннатдорчилик ҳақида
ўйлаш, одамлардан миннатдор
бўлиш бахтли бўлишнинг энг
аъло йўли. Шунинг учун
эрталаб уйғонишингиз
биланоқ ҳозир миннатдор
бўлишингиз мумкин бўлган
учта нарса ҳақида ўйланг. Буни
ҳатто ёзиб ва бундай рўйхатни
бахт омилларингизни қайта ва
қайта эслатиб туриши учун
сақлаб қўйишингиз ҳам
мумкин. Ўз жуфтингизга у
борлиги учун ҳам раҳмат
айтинг. Инсонларга ёрдам
беринг. Уларнинг
миннатдорлиги ҳам сизга бир
олам ижобий қувват беради.
Присоединяйтесь к ОК, чтобы подписаться на группу и комментировать публикации.
Комментарии 21
Buyumlardan ko'ra tajribani ko'proq qadrlash!
Ijobiy fikrlarga yondashish!
Salbiy fikrlardan qochish!
Sport bilan shug'illanish!
Miriqib uxlash!
Bugun bilan yashash!
Minnatdor bo'lish!
Ota onam yonimda.
Sevgan yorim yonimda.
Uyim moshinam bor. Shulardan birini yo'qotsa baxtsizlikning 1-bosqichi uni qarshi oladi. <f z9>TILAGIM XECH QACHON BAXTSIZLIK BILAN YUZLASHMANG</f>