Ёри қолса хаётдан совиб,
Ёр ёнидан ғамларни қувиб.
Жойнамоз-у яхтагин ювиб,
Савоб йиққан аёлдир гўзал.
"Қимматбахо либос кийишга,
Рағбатим йўқ харом ейишга,
Бегим халол топинг" дейишга,
Хадди сиққан аёлдир гўзал.
Ўз ёрини хисоблаб қирол,
Қиролича каби қилса лол,
Кўчага, соч яшириб, рўмол-
Ўраб чиққан аёлдир гўзал
Жанон бирла эркакнинг ғари-
Ётганидан кўра илгари.
Чақса яхши чаён ё ари,
Буни уққан аёлдир гўзал.
Сабр зийнат аёл кишига,
Кутсин, тишин босиб тишига,
Хеч ким демас эркак ишига-
Бурнин суққан аёлдир гўзал
Бор бисоти бўлиб вафодан,
Хиёнатсиз ўтса дунёдан.
Моможони Момо Хаводан-
Хаё юққан аёлдир гўзал
Рўзғор юки толдириб холдан,
Хусни кетса хамки жамолдан.
Туғмайдиган сохибжамолдан-
Асли туққан аёлдир гўзал.
🌼🌹🌹🌹🌹🌼
Присоединяйтесь к ОК, чтобы подписаться на группу и комментировать публикации.
Нет комментариев