Предыдущая публикация
Sen yaxshi o'ynading oshiq rolini,
Ko'zlaringa boqib aylandim toshga.
Tinmay olqishlashdi, chalishdi qarsak,
Chiranib to'kilgan soxta ko'z yoshga. Sen yaxshi o'ynading oshiq rolini,
Bugun farishta deb qarashdi senga.
Asli kimligingni bilmaydi ular,
Soxta tabassumlar yarashdi senga. Sen yaxshi o'ynading oshiq rolini,
Bugun yig'lashinga kulib qaradim.
Bugun begonaman, bugun hech
kimman,
Bugun tomoshabin bo'lib qaradim. Sen yaxshi o'ynading oshiq rolini,
Yana muhabbatga solindi raxna.
Sevgi xotimasi, ishqning o'limi,
Bu so'ngi ko'rinish, bu so'ngi sahna. Sen yaxshi o'ynading, sen zo'r
o'ynading,
Mana muhabbatim tovoningda bos.
Qarasam, hayosiz sevgi sahnangda,
Men ham kichkina bir epizod xolos...
Следующая публикация
Нет комментариев