Амал дәптерге күн сайын жазылып ісім,
Жүрген жігітпін, көзіңнен наз ұғып ішім.
Мен Алланы сүйемін, ал сені күнім,
Жақсы көремін бір оның разылығы үшін
Жаратқан ғана лайықты құрметке бірден
Қолдан келгенше орындап міндеттерін тең.
Иншалла саған қосылам Пайғамбарымның,
Көбейту үшін иманды үмбеттерін мен.
Құлы болғасын қылармыз Құдайлап амал,
Бетсіздігім жоқ бедел деп бір айла табар.
Жылы сөзімді тыймаспын жарығым сенен,
Сауабы үшін Алланың жұбайлар алар.
Аман-сау жүрсең жер басып мереке, түсін.
Иманды болсаң көрінбес келеке тұсың.
Бұйырса үйден қонақтар арылтпассың сен,
Олармен келер ырыс пен береке үшін.
Иманға қарай жүректің аштым да жолын,
Бермедім шайтан төгетін тасқынға орын.
Анамды менің құрметте, себебі жаным,
Жәннәттің кілті табанының астында оның.
Қанағатшыл бол, жүрме тек жаманға тілдеп.
Иманның гүлі бүр жарсын санаңда гүлдеп.
Жұбайың сенің кепілі жәннат бағыңның,
Қадірлей білсең, көрсетем саған да құрмет. ..
Рамазан Пердебек
Присоединяйтесь к ОК, чтобы подписаться на группу и комментировать публикации.
Нет комментариев