ცნობილი თურქი მსახიობი მურატ ილდირიმი უკვე თბილისშია.

შესაბამის ფოტომასალას ჟურნალისტების საქველმოქმედო ორგანიზაცია "დიმიტრი ცინცაძის სახელობის ფონდი" ავრცელებს. სწორედ ამ ფონდის მოწვევით ჩამოვიდა თბილისში დღეს თურქი მსახიობი.
იუნესკოს კეთილი ნების ელჩი მურატ ილდირიმი დღეს პრესკონფერენციას გამართავს თბილისში და შეხვდება ლეიკემიითა და სოლიდური სიმსივნეებით დაავადებულ ბავშვებს.
საღამოს გაიმართება საქველმოქმედო ვახშამი, რომელიც კონცერტის თანხლებით ჩაივლის.
ღონისძიებაზე მიწვეულნი არიან ხელისუფლების წარმომადგენლები და ფონდის პარტნიორები.