Предыдущая публикация
Сальвадорда кунларимиз баракали ўтмоқда, яхши маънода.
Дунё футболига таниш бўлган яна бир мутахасис билан суҳбатлашишга муваффақ бўлдик. Лондоннинг "Челси" клуби собиқ бош мураббийи Аврам Грант Uff.uz сайтига эксклюзив интервью берди.
Эслатиб ўтамиз, ушбу исроиллик мутахассис "Хапоэль", "Маккаби", "Челси", "Вест Хэм Юнайтед" каби клубларини бошқарган. Сўнгги ишлаган клуби Сербиянинг "Партизан" жамоаси ҳисобланади.
Биз билан суҳбатда Грант Ўзбекистон миллий терма жамоасининг қандай қилиб Жаҳон чемпионатига чиқиши мумкинлиги ҳақида гапириб ўтди. Шу билан бирга, у бош жамоамизни бошқаришга рози эканлигини ҳам маълум қилди.
- Жаноб Грант, Сизни Жаҳон чемпионатида кўриб турагнимиздан хурсандмиз. Айтинчи, нима мақсадда Бразилияга ташриф буюрдингиз?
- Мен Жаҳон чемпионатига Исроил ОАВ ваикли сифатида келганман. Бу ерда биз ўйинларни таҳлил қилиб боряпмиз. Ушбу мусобақа дунё миқёсидаги катта воқеликдир. Бу ерда Жаҳонннинг энг сари юлдузлари тўпланган ва улар иштирокида биз ажойиб спектакль гувоҳи бўляпмиз. Шу билан бирга мураббий сифатида ҳам ўзим учун янгиликларни ўрганяпман.
- Ўзбекистон терма жамоаси ҳам мундиал саралашида иштирок этди. Бразилияга келишимиз учун омадимиз чопмади. Аслида, бизнинг гуруҳдан кейинги босқичга чиққан Жанубий Корея билан очкомиз тенг эди. Лекин тўплар нисбати бўйича биз қолиб кетдик. Айтинчи, умуман Ўзбекистон футболи ҳақида маълумотингиз борми? Биз каби мамлакатлар, хусусан Ўзбекистон ЖЧга чиқиши учун қандай омиллар муҳим?
- Биринчи навбатда яхши мутахассис керак. Иккинчидан, маҳоратлаи ўйинчиларни йиға билиш керак. Ўзбекистон футболи ҳақида оз бўлсада маълумотга эгаман. Сизларда истеъдодли футболчилар бор. Лекин, қобилиятнинг ўзи етарли эмас. Уни тўғри йўлга сола билиш керак. Ўшандагина маълум натижага эришиш мумкин.
- Кўпчилик мухлисларни яна бир саовл қизиқтиради. Қачон бизнинг ўзбеклар ҳам Европа майдонларида тўп суради?
- Ҳозиргина таъкидлаганимдек, аввалам бор Жаҳон чемпионатига чиқишингиз керак. Ўшандагини бутун дунё назарида бўласиз. Лекин, мундиалга бирдинига чиқиб бўлмайди. Бу босқичма-босқич амалга ошириладиган иш. Мисол қилиб айтганда, мундиалда кўпгина биз билмаган терма жамоалар ҳам иштирок этади. Улар таркибидаги ўйинчилар эса ёрқин ҳаракат қилса, дарҳол барчанинг назарига тушади. Ана ўшандагини уларнинг харидори ҳам пайдо бўлади. Ҳозирги таниқли юлдузларни илгарилари кўпчилик билмаган. Улар шунақа мусобақаларда ўйнаб, мутахассислар эътиборини ўзига жалб этган. Мен ўйлайманки, Ўзбекистон терма жамоаси келаси тшрт йил ичида тўғри йўл танлаб мундиалга йўл олади ва буни чин дилдан сизларга тилаб қоламан.
- Ҳозир жамоасиз экансиз. Ўзбекистон футбол федерацияси расмийлари сизга мамлакат бош жамоасини бошқариш таклифи билан чиқишса, нима деган бўлардингиз?
- Сиз федерация вакилимисиз? (кулиб) Агар жиддий айтадиган бўлсам, мен ҳаётдан янги чақирув-синовларни яхши кўраман. шундай экан, Ўзбекистон терма жамоасини мундиалга олиб чиқиш менга қизиқ туюляпти. Агар сизлардан таклиф бўлса, мен кўриб чиқишга тайёрман
Следующая публикация
Нет комментариев