Предыдущая публикация
Бархьдеш
Дархьти адамти сарра
Или х!уша дик!улрав?
Бархьдешла черкадли сен
Лерил дукардик!улрав?
Язихъси шаддикь кьяйда
Унабурх!ла дубличиб
Бархьдеш саб т!ашбизурли
Гьаббатурси някъличил
Куц-сипат х!едиулив?
Палтар-кьай далх!ейкилив?
Къунзбик!ар урх!ла кьяйда
Биаллира миллатла
Исбагьи ах!енсиван
Т!ашли саб пикрумазиб
Саби жибарибсиван
Кьут!бик!ар унзурбази
Ил дуркьа зибкьназибван
Бизиси т!ем агарли
Илила гъай сарливан
Х!ушаб ц!акьли зукьили
Мурталра се биалра
Тилабирули саби
Сунези саб гьар даим
Шивк!ивбик!ули саби
Бархьдеш саби ил т!ашли
Кьиркьир нургъби ушкули
Г!еб-г!еббетаибнили
Адамти иргъх!ергъули
Дунъяличибси бархьдеш
Ах!ен илдас иштях!ла
Агура чус х!яжатдеш
Г!якьлуличи илала
Бархьдешли алжанала
Умхьу лебхни х!ергъули
Дунъяличиб абдалли
Саб илди х!ербирули
--
Отправлено из Быстрого блокнота
Следующая публикация
Нет комментариев