Машта цондасъ ху аётанд, ху дида хъабхъин кнам?

Аз барои мансабат мол,цондасъ ху бидин кнам?
Машри Мавло дачу фармон,маш мис гуё вай нғухът.
Аз ху нофармони цондасъ ху Мавло маш қин кнам?
Маш ху Мавло нон намак,хуят баҷои шукрият.
Ар намакдонам чу туф маш,вай номта парвин кинам.
Пул авенам сат кахъон маш,ар салафат ар сунъи.
Авуям хурд пехъвоху ,вайхиз ху ширин кинам.
Маш ху гуфторанди лувам,машам сар тоза мурид.
Дар ақиқат машри даркор,ху кирдор нигин кнам.
Маш нигаҳбон Муртазо вуд,аз авал то охирон.
Маш ху духъман подъенар цондасъ ху зарвин кнам?
Маинҷавам номи Мавло,аз ху зивен нулти маш.
Меҳри Мавло ар ху сина, маш бояд таъмин кнам.
Нурта фана лоф дъадъан,паст дъадъан маш мазҳаб.
Цондасъта ку маш тоқат,иблисат лаъин кнам.
Ям ика давра мумандта кихът фиръавн роҳбари.
Донд авен аз хъоҷи фиръавн,ҳақ сухан парвин кнам.
Мунавари чу суханат,вай диланд саҳмат арос.
Сар башанд пи Муртазо маш,май ху дил яқин кнам
----------########------------########------
Мунавар(12-04-2019)Помир Хуф.