Предыдущая публикация
Дўстим энг мўътабар манзилга етгин,
Яхшилик йўлида сен яшаб ўтгин.
Бир яхши ном қолсин эрта ортингдан,
Йиғлаб тугулдингми ,йиғлатиб кетгин.
Фарзандинг дўстларинг ортингдан қолиб,
Чиройли кунларда ёдига солсин.
Суйганинг ўртансин хотирга олиб,
Йиғлаб тугулдингми ,йиғлатиб кетгин.
Пул учун,мол дунё,хою хавас деб,
Яшама виждонинг иймонингни еб.
Шукр айт ватанинг тупроғини ўп,
Йиғлаб тугулдингми ,йиғлатиб кетгин.
Бировнинг кўнглини оғритма зинхор,
Ҳар бир урган муштнинг жавоби ҳам бор.
Сен кетсанг бўлсинлар қадамингга зор,
Йиғлаб тугулдингми ,йиғлатиб кетгин.
Даврон сур,давралар тўрин тўлдириб,
Бўлмайдиган ишни эпла бўлдириб.
Яшагин доимо кулиб кулдириб,
Йиғлаб тугулдингми ,йиғлатиб кетгин.
Дилларга яхшилик уруғин экмай,
Бир инсон зотига фойдаси тегмай.
Кимлар яшаб ўтди,дунёни уқмай,
Йиғлаб тугулдингми ,йиғлатиб кетгин.
Тушунган бўлсанг сен менинг кўнглимни,
Фарқини англаб ол ҳаёт ,ўлимни.
Дустим деб билсанг сен Ахад Каюмни,
Йиғлаб тугулдингми ,йиғлатиб кетгин.
Дўстим энг мўътабар манзилга етгин,
Яхшилик йўлида сен яшаб ўтгин.
Бир яхши ном қолсин эрта ортингдан,
Йиғлаб тугулдингми ,йиғлатиб кетгин.
Ахад Каюм.
Следующая публикация
Комментарии 1