Предыдущая публикация
Борони ашкам аз сари мижгон чакиду рафт.
Бо ин ҳама ҷафо нашуд аз ӯ дилаш хунук,
Дил аз қафои ёри ситамгар давиду рафт.
Гуфтам ба дил, ки бар дари бегонагон марав,
Ҳаргиз надод гӯш ба ман, раҳ кашиду рафт.
Раҳме ба ҷони хаставу мискини ман накард,
Теғи фироқро ба дили ман халиду рафт.
Ёре, ки буд ҳамдами ман рафту баъд аз он
Сарви қадам зи бори фироқаш хамиду рафт.
Бо бӯи он ки рӯи варо бинад, аз қазо,
Ҷонам зи рузгор хушие надиду рафт.
Гул коштам, гули дили худро ба роҳи ёр,
Диду зи рӯи ҳасан, валекин начиду рафт.
То донае зи хирмани мӯяш барад ба худ,
Мурғи нигоҳи ман зи паяш бол чиду рафт.
Он риштаи муҳаббати бисёрсоларо
Афсус, дар дақиқаи охир буриду рафт....
Присоединяйтесь к ОК, чтобы подписаться на группу и комментировать публикации.
Нет комментариев