Предыдущая публикация
Тхан пису.
Э. Мамакаев.
Девзий шуна тхан Пису?
Пису ч1ог1а хаза ду.
Айза цуьнца маьнги т1ехь
Денна ловзу тайнигех.
Гуьлмаьнда а туьллий, цо
Писух хаза «хьаша» йо.
«Хьаша» лела г1иллакхе,
Юззалц шура йиъна шен.
Т1акхха, кхид1а хьем ца беш,
Д1асхьа къаьрза, мекх ц1андеш.
Ц1ога хьийзош, сецна тебна,
Хьаьвзи сиха, хьаьдда- дедда.
Биц1аьлдиг а аганца,
Истангаш а гоьнашца
Эгий лаьтта масса цо,
Айзин куьг т1екхачале.
-Ой, сацахьа,
Ва Пису!
Хьо ма хала «хьаша» ду!
Следующая публикация
Нет комментариев