Yolumuz haçalandı,

Sən sola get, mən sağa.
Çox ləngimə, yeyin get
Mənzilinə çatmağa.
Birdən yadından çıxar,
Deyib yadına salım;
Səni də gözləyən var,
Məni də, qadan alım.
Düşünürsən arxada
Sevdiyin bəndə qalıb.
Getməyinə gedirsən,
Xəyalın məndə qalıb.
Əsəblərin pozulub,
Qaralmasın qanın da.
Zənn elə ki, heç sənin
Olmamışam yanında.
Sən bu qədər özünü
Niyə edirsən ləlik?
Əlvida demədim ki,
Söylədim ki, hələlik...
Aynur Qafarlı