Предыдущая публикация
Пайхамарыбыз солляллагьу аляйгьи васаллямны кёп этеген дуалары
Аявлу дин къардашларым! Дуа деп айтагъан зат, бек гючлю зат. Аллагьу Таала сыйлы болгъан Къуранда айта: «Сизин Ессигиз айтды, магъа тилегиз, мен сизге жавап берермен», - деп. Герти юрек булан адам дуа этип Аллагьгъа тилесе, Аллагь огъар жавап бере, юрегиндеги къайгъысын тайдыра, гюнагьларындан гече, гьар бир тилевюне жавап бере. Адамлар оьзлеге бир затны тилесе, сюймейлер, амма Аллагьу Таала тилемесе, сюймейдир. Пайхамарыбыз (салляллагьу аляйгьи васаллям) айта: «Аллагьны сыйлылыкъларын, яхшылыкъларын тилегиз, гертиденде Аллагь сюедир оьзюне тилегенни», - дей. (Тирмизи).
Анас (разыяллагьу ангьу) айта, Пайхамарыбыз (салляллагьу аляйгьи васаллямны) кёп этеген дуасы будур: «Аллагьумма атина фиддунья гьасанатан, ва филь ахирати гьасанатан, ва къина азабаннар». Маънасы: «Я Аллагьым, Сен бизге бу дюньяда да яхшылыкъ бер, ахыратда да яхшылыкъ бер ва жагьаннемни азабындан да бизин къутгъар». (Бухари, Муслим).
Пайхамарыбызны (салляллагьу аляйгьи васаллямны) агьлюсю Умму Саляматгъа (разыяллагьу ангьа) сорагъан заманда, Пайхамар (салляллагьу аляйгьи васаллям) сени янынгда къайсы дуаны кёп этеди деп, о айтгъан: «Я Мукъаллибаль къулюби саббит къалби аля диник». Маънасы: «Гьей юреклени айландырып къоягъан Аллагь, Сен мени юрегимни, Сени динингни уьстюнде токъташдыр». Шу дуаны кёп этеди деп айтгъан. (Тирмизи).
Абу Гьурайрат (разыяллагьу ангьу) айта, Пайхамарыбыз (салляллагьу аляйгьи васаллям) бу дуаны этеди: «Аллагьумма аслигьли диниллязи гьува ъисмату амри, ва аслигьли дюнья ялляти фигьа маъаши, ва аслигьли ахиратилляти фигьа маъади, важъалиль гьаята зиядатан ли фи кулли хайрин, важъалиль мавта рагьатан ли мин кулли шаррин». Маънасы: «Я Аллагьым, Сен мени динимни онгар, барыда ишлеримни таяву болгъан ва дюньямны да онгар, мен оьзюнде яшайгъан ва ахыратымны да онгар, мен оьзюне къайтагъан ва яшавумнуда артдыр гьар-бир яхшылыкъ да ва оьлюмню де магъа рагьат эт гьар-бир къыйынлыкъдан». (Муслим).
Бир адам Пайхамарыбызгъа (салляллагьу аляйгьи васаллямгъа) гелип сорагъан: «Гьей Аллагьны элчиси, мен Аллагьгъа тилейген заманда нечик тилейим»? Пайхамарыбыз (салляллагьу аляйгьи васаллям) бугъар айтгъан, сен айт: «Я Аллагьым, сен мени гюнагьларымдан геч, сен магъа рагьму эт, савлукъ да ва рискъы да бер». Шулай дуа этсенг, Аллагьу Таала сени дюнья ишлерингниде ва ахырат ишлерингни де онгаражакъ», - деген. (Муслим). Аллагьу Таала бизге кёмек этсин, гьар заман дуа булан турмагъа.
Следующая публикация
Нет комментариев