Предыдущая публикация
Айбим нима?
Суйганимми жондан ортиқ,
Энг қадрли ҳисларимни қилиб тортиқ.
Кўзим кулиб турар, аммо, қалбда оғриқ,
Айтингчи Ёр, айбим нима?
Ҳузурмикан сизга кўнглим ё чўккани,
Кўзларим ҳам қўридику ёш тўккани,
Сиздан менга армон бўлдими теккани,
Айтингчи Ёр, айбим нима?
Висол истаб, сиз томонга шошганимми,
Қаршингизда булоқ бўлиб тошганимми,
Юрагингиз айтинг менга ё ғанимми,
Айтингчи Ёр, айбим нима?
Учратмасам рози эдим сизни майли,
Учратдиму, дардим ошди ишқ туфайли,
Бўлолмадим Мажнун суйган битта Лайли,
Айтингчи Ёр, айбим нима?
Хазонларни учирган ул шамол эмас,
Ҳисларимдир, сизни излаб бир зум тинмас,
Бир савол-ки жавоби йўқ, тинчлик бермас,
Айтингчи Ёр, айбим нима?
Айбим нима?
Малоҳат МИРЗАЕВА
Следующая публикация
Нет комментариев