сентябрьнинъ 12-де "Terciman" китап Эви озюнинъ ильк Догъгъан кунюни - ачылувына 1 йыл толгъаныны - къайд этти. Бу кунни садыкъ достлары ве фикирдешлери иле бирликте кечирмек ичюн тантаналы тедбир тешкиль этильди. Сёзге чыкъкъан Къырым мусульманларынынъ муфтиси hаджи Эмир-Али Аблаев, муавини Айдер Исмаилов, уйкен несиль языджылары ве джемаат эрбаплары - "Terciman" энди тюкян ве китап Эви сынъырындан чыкъкъаныны ве айны заманда фикир пайлашув, субетлер кечирюв, такъдимнамелер отькерюв меркезине чевирильгенини къайд эттилер. Бойле, къырымтатар ве дигер тиллериндеки неширлерни, эдиелерни сатын алмагъа мумкюн олгъан ер чалышкъаны гъает муимдир, деген фикир текрарланып айтылды.
Тедбирде "Terciman"нынъ 1 йыллыкъ фаалиети девамында олып кечкен байрамлар, акциялар. ярышлар акъкъында икяе эткен слайд нумайыш этильди. Озь чыкъышында мудир Асадуллах Баиров келеджекте аль этиледжек меселелер иле таныш этти. Яшларны китап окъумакъ, медениетимизни ве тарихымызны бильмек джельп этмек макъсадынен "Китапсеверлер клубы"ны ачмакъ ве нешриятны да фааллештирмек ниет бар олгъаныны ачыкълады. Бундан гъайры, кене де 1 йыл девамында китап Эвине дестек косьтерген ве ярдымда булунгъан бир къач ватандашымыз такъдирленди. Энъ фааль окъуйыджыларгъа ве муштерилерге эдиелер такъдим этильди.
Янъгъырагъан самимий хайырлав сёзлеринден сонъ, "Terciman"логотопи иле азырлангъан байрам татлылыкълары икрам этильди.
Присоединяйтесь к ОК, чтобы подписаться на группу и комментировать публикации.
Нет комментариев