Предыдущая публикация
Անտուան Գրիզման.
Անգիայի հետ կապված կասկածներ ունեմ, քանի որ վատ եղանակն ու անձրեւները իմ սրտով չեն
Մադրիդի «Աթլետիկոյի» եւ Ֆրանսիայի հավաքականի հարձակվող Անտուան Գրիզմանը մեկնաբանել է իր տրանսֆերի հետ կապված լուրերը։«Երբ «Ռեալ Սոսյեդադում» էի, զգում էի, որ հեռանալու ժամանակն է։ Հիմա այդպիսի ցանկություն չունեմ։ Ոչ ոք չգիտի, թե ինչպես կավարտվի մրցաշրջանը։ Եթե վատ հանդես գանք, հնարավոր է՝ մտածեմ հեռանալու մասին։ Հիմա այդ հարցը ակտուալ չէ։Երբեմն ինքս ինձ հարցնում եմ, թե որ ակումբում կարող էի շարունակել կարիերաս։ Իսպանիայում տարբերակները երկուսն են՝ «Ռեալ» կամ «Բարսելոնա»։ Սակայն տեղափոխությունս «Ռեալ» հնարավոր չէ, քանի որ ես հանդես եմ գալիս «Աթլետիկոյում», իսկ «Բարսելոնայում» կան հիմնական կազմում մշտական տեղ ունեցող երեք հարձակվողներ։Բունդեսլիգան ու Ֆրանսիան ինձ չեն հետաքրքրում։ Անգիայի հետ կապված կասկածներ ունեմ, քանի որ վատ եղանակն ու անձրեւները իմ սրտով չեն։ Ես պետք է ինձ երջանիկ զգամ նաեւ խաղադաշտից դուրս։ Այո, ես դիտում եմ Անգլիայի Պրեմյեր լիգայի հանդիպումները։ Մրցավարները թույլ են տալիս խաղալ, իսկ տրիբունաներում միշտ լիքն են։ Բայց եթե ես ընտրություն ունենամ, ապա կընտրեմ Իսպանիան, քանի ամենամոտն է իմ խաղաոճի եւ իմ անձնական կյանքի համար»,- Անտուան Գրիզմանի խոսքը մեջբերում է getfootballnewsfrance-ը։Գրիզմանի ծառայություններով հետաքրքրված է անգլիական «Մանչեսթեր Յունայթեդը»։
Следующая публикация
Нет комментариев