Бүгүнкү жумуш күн да аяктап,башчы эжекебиздин "тентектик"кылбай иштегиле деген тамаша сөзүн түнкү нөөмөттө калган кыздарга тамашалай каткырып алып иштерине ийгилик каалап үйгө карай жөнөдүм...
Буулугуп жаай албай турган асманды бир тиктеп Кыргызстанды эстедим.Күндөгү адатым асманды карамай,азыркы маалда мекенимде аба-ырайы кандай болду экен деп ойлонуп кетмейим бар.Ангыча метрого да жеттим.Агылып түшүп бараткан адамдарды көрүп жер чычканды же болбосо кумурсканы элестеймин.Жер түбүндөгү кыйма-чийме өткөөлдөр дал ошо жандыктарды эстетет.Кумурска сымал айланып отуруп сыртка чыгып кетебиз го.Экинчи жолку которулган вагонго киришим менен кыяктын коштоосунда ырдап жаткан кыргыз адамга дел боло карап калдым.Биринчи жолу вагондо кыргыз обонун угушум эле.Улгайыңкы маңдай чачы буурул тарткан адам сыбызгыта Түгөлбай Казаковдун "НАСЫЙКАТ"деген композициясын созолонтуп жатты.
ОО НАСЫЙКАТ МАГАН КАЛГАН
ОО НАСЫЙКАТ САГАН КАЛГАН...поюздун шарактаган добушунун арасында ушул саптарды угуп бараттым.
ОО МЕЗГИЛДИН ӨКТӨМДҮГҮ ЫЛДАМДЫГЫ
АППАК МАРАЛ ТУЯК КАГАТ
ЖУРТ КОТОРГОН СЫЯКТАНАТ деген жерлери мага тоолорду арча-карагай баскан көркөмдүү кыргыз жерин элестетип,журт которуп жалгыз жүргөн өзүм сыяктанып көзүмө жаш толуп чыкты.Вагондогу адамдар баары термеле ырды тыңшап аткан сыяктанды.Буга чейин бул ырды кунт коюп уккан да эмес экенмин.Кичине кезимде апам ырдап калчыле.Аңгыча түшүүчү станцияма жетип келдим.Ушунчалык ырга берилип угуп чөнтөк телефонго тартууну да ойлобопмун....жер түбүнөн сыртка карай жылган тепкичтерде баратып да ОО МЕЗГИЛДИН ӨКТӨМДҮГҮ ЫЛДАМДЫГЫ деген кайрыктар көөдөнүмү кысып чыкты.Сыртка чыксам жаан жаап баштаптыр.Аялдамада автобус да күтпөй жөө үйгө карай жөнөдүм.ОО НАСЫЙКАТ МАГА КАЛГАН.КАЛГАН МУРАС БАБАЛАРДАН.Чет жерде куса толгон жүрөктү бул ыр ого бетер жаралап кеткенсиди.Каттуу болгон шамал аралаш жаан сапырылган жалбырактарды шуулдата учуруп,жалбырактар мени менен кубалашмай ойногонсуп алды артымда учуп кошо жарыша үйгө жеттим.Лифтте чыгып келе жатып да кулагыма ОО НАСЫЙКАТ САГА КАЛГАН
ОО НАСЫЙКАТ МАГА КАЛГАН деген кайрыктар жаңырып турду.....2018-жыл.22-октябрь.саат 23.08.САНКТ-ПЕТЕРБУРГ.ДИНАРА
Присоединяйтесь к ОК, чтобы подписаться на группу и комментировать публикации.
Нет комментариев