Предыдущая публикация
Йиғла эй дил, йиғла дил,
Бошқа нима қиласан?
Мендан бошқа кишинг йўқ,
Буни яхши биласан!
Қани эди мен бўлсанг,
Ўпардим ёноғингдан.
Муҳаббатим шабнамдек,
Томарди япроғингдан.
Ёнингда кеча кундуз,
Бир тинмай яйрар эдим.
Томингда кеча кундуз,
Булбулдай сайрар эдим.
Яшардинг ардоғимда,
Бир пасга ҳам кетмасдим.
Тўлардинг қучоғимда,
Ҳавасга қам кетмасдим.
Армоним бор, армоним,
Девона бўлмас эдик.
Қани эди мен бўлсанг,
Бегона бўлмас эдик.
Афсус, афсус-андуҳим,
Мендай дил тўшолмайсан.
Мажнунга ўхшайман мен,
Лайлига ўхшолмайсан.
Ана тун ҳам ёришди,
Қара баҳор келмоқда.
Қайлардадир одамлар,
Севиб, гуллар термоқда.
Йиғла эй дил, йиғла дил,
Бошқа нима қиласан?
Тушунмайсан сен мени,
Мени қайдан биласан?!
Следующая публикация
Нет комментариев