Предыдущая публикация
Տաթեւ Իրիցյան.
"Ես եւ "Դժվար ապրուստ"-ից Շուշանը բնավորությամբ շատ նման ենք` դրական ու ուրախ" :)
0
Մինչեւ “Դժվար ապրուստ” հեռուստասերիալը չավարտվի, Էսթերի դերակատար Տաթեւ Իրիցյանը դրական պատասխան չի տա… :): Առաջարկությունների, պատահականությունների, իր ցանկությունների մասին սերիալային դերասանուհին պատմել է BRAVO.am-ին:
"Դժվար ապրուստ" սերիալում Էսթերի դերակատար Տաթեւ Իրիցյանը
Չարաճճի, աշխույժ ու ուրախ եմ հիշում ինձ: Մանկապարտեզից հաճախ էի փախչում: Այդ ժամանակ միջնեկ քույրս` Անին, սովորում էր երրորդ դասարանում: Գնում էի նրա մոտ ու նստում իր դասերին: Ծնողներս, մանկապարտեզի աշխատողներն ամենուր փնտրում էին ինձ ու գտնում դպրոցում:):
Մեծ ու ջերմ ընտանիքում եմ մեծացել: Երկու քույր ու մեկ եղբայր ունեմ: Ավագ քույրս լրագրող Մանու Իրիցյանն է, միջնեկ քույրս`Անին, ամուսնացած է, փոքրիկին է խնամում: Եղբայրս`Աղվանը, սովորում է 9-րդ դասարանում:
"Դժվար ապրուստ" սերիալում Էսթերի դերակատար Տաթեւ Իրիցյանը
Դերասանական կրթություն չունեմ. մասնագիտությամբ հագուստի դիզայներ-մոդելավորող եմ:
Շատ պատահական ու արագ ես ներքնազգեստի խանութից հայտնվեցի “Դժվար ապրուստ”-ում: “Ինդիվիդում քասթինգ”-ում գրանցվեցի, հենց նույն օրն էլ հրավիրեցին քասթինգի եւ ընտրվեցի որպես Էսթերի դերակատար: Ի դեպ, քանի որ աշխատում էի, չէի կարող գնալ, բայց ճակատագիր էր, թե բախտ, այդ օրը փոխարինող գտնվեց:
Էսթերի դերակատար Տաթեւ Իրիցյանը
Մասնագիտական կրթություն չունենալու պատճառով դժվարությունների հանդիպեցի հենց սկզբից: Տեսախցիկին ընտելանալու, բարբառով խոսելու խնդիր կար, որը հետագայում շտկվեց: Թիմս միշտ օգնում է ինձ:
Եթե հիմա հարցնեն, թե կցանկանայի սերիալում այլ դեր խաղալ, միանշանակ կասեմ, որ ինձ շատ հարազատ է հենց Էսթերի կերպարը:
Տաթեւ Իրիցյանը
Սերիալը շատ բան փոխեց իմ կյանքում. նոր ծանոթություններ, ընկերներ, աշխատանքային նոր գրաֆիկ եւ, իհարկե, ճանաչում:
Փողոցում մարդիկ գովեստի խոսքեր շատ են ասում:Կարծում եմ`արդեն երկրպագուներ ունեմ: Դեռեւս երկրպագուների խենթ արարքների չեմ հանդիպել:
Արդեն 7 ամիս է` նկարահանվում եմ: Ամբողջությամբ նվիրվել եմ այս գործին: Հուսով եմ` կարդարացնեմ սպասումները եւ հետագայում այլ նախագծերում էլ հանդես կգամ: Առաջարկներ արդեն իսկ կան, բայց մինչեւ սերիալը չավարտվի, դրական պատասխան չի լինի:
Էսթերի դերակատար Տաթեւ Իրիցյանը
Սերիալից դուրս ուրախ, շփվող Տաթեւն եմ: Ազատ ժամանակիս մեծ մասն անցկացնում եմ ընկերուհիներիս հետ, հագուստներ եմ մոդելավորում: Առավել մտերիմ ընկերուհիներս լրագրող Աննան ու նկարչուհի Անին են:
“Դժվար ապրուստ”-ի նկարահանումների ընթացքում էլ ծանոթացել եմ Շուշան Թովմասյանի հետ: Հիմա լավ ընկերներ ենք: Ես եւ Շուշանը բնավորությամբ շատ նման ենք` դրական ու ուրախ:
Բնություն շատ եմ սիրում, հաճախ եմ լինում այգիներում:
"Դժվար ապրուստ" սերիալում Էսթերի դերակատար Տաթեւ Իրիցյանը
Եղանակներից աշունն էլ եմ սիրում. գույնզգույն ծառեր, տերեւաթափ… բայց, երբ մոտենում է ձմեռը, դեպրեսիվ տրամադրություն եմ ունենում:
Սիրտս ազատ է: Որեւէ կերպար չեմ ստեղծում. եթե սիրեմ, կսիրեմ:
"Դժվար ապրուստ" սերիալում Էսթերի դերակատար Տաթեւ Իրիցյանը
Իմ ամենամեծ քննադատը ավագ քույրս է` Մանուն:
Երազանքներ չունեմ, ունեմ ցանկություններ, որոնք միշտ կատարվում են, եւ նպատակներ, որոնք ժամանակի ընթացքում կիրականանան:
Տեքստը` Հասմիկ Միկիչյանի/ Bravo.am/ Լուսանկարները`Էմին Արիստակեսյանի / Bravo.am/
Следующая публикация
Нет комментариев