Предыдущая публикация
Бир кун қайтиб келишингиз билар эдим,
Соғинчлардан қақшаб жону ҳисларингиз.
Асли сизга яхшиликлар тилар эдим,
Йиғлайверинг, қораяди кўзларингиз.
Мен юракка бориб теккан ўқ бўламан,
Юрагимдан ўчиб борар ҳисларингиз.
Сиз келганда, билинг ўзим йўқ бўламан,
Йиғлайверинг, қораяди кўзларингиз.
Бир пайтлар севги сизга ўйин эди,
Бечораҳол қилманг менга юзларингиз.
Кечикдингиз… кечирасиз, тўйим энди,
Йиғлайверинг, қораяди кўзларингиз.
Бевафога жазодир шу, соғинасиз,
Исмим қўйиб чақирасиз болларингиз.
Яна нима, фақат шунга овунасиз,
Йиғлайверинг… Қораяди кўзларингиз.
Следующая публикация
Нет комментариев