Предыдущая публикация
O'n sakkiz ming olamga sarvar bo'lgon Muhammad,
O'ttuz uch ming ashobga rahbar bo'lgon Muhammad.
Yalang'ochu ochlikka qanoatlig Muhammad,
Oshi, joni ummatga shafoatlig Muhammad.
Tunlar yotib uxlolmas, tilovatlig Muhammad,
G'arib birla yitimga muruvvatlig Muhammad.
Yo'ldan ozgan gumrohga hidoyatlig Muhammad,
Ehtiyoj tushsa har kimga kifoyatlig Muhammad.
Abu Jahl, bu Lahabga siyosatlig Muhammad,
Malomatni zabuni salomatlig Muhammad.
Namoz ro'za qilg'uvchi ibodatlig Muhammad,
Tinmay tasbeh aytguvchi riyozatlig Muhammad.
Malun-lain shaytonga siyosatlig Muhammad,
SHariatni yo'liga inoyatlig Muhammad.
Duolari mustajob ijobatlig Muhammad,
Yomonlikka-yaxshilik karomatlik Muhammad.
Tavfiq bergan zolimga jalolatlig Muhammad,
Sajda qilgan igilib itoatlig Muhammad.
Arshu kursi bozori inoyatlig Muhammad,
Sakkiz behisht egasi viloyatlig Muhammad.
Miskin Ahmad quliga kitobatlig Muhammad,
ETim, faqir, g'aribga saxovatlig Muhammad.
Следующая публикация
Нет комментариев