Предыдущая публикация
Niyat qildik Kabaga, rizo bo'lung, do'stlarim,
Yo ulgaymiz, kelgaymiz, rizo bo'lung, do'stlarim.
Niyat qildik Kabaga, haq Mustafo ravzaga,
Nasib qilg'il borchag'a, rizo bo'lung, do'stlarim.
Nasib bolsa, borg'aymiz, nasib bo'lsa kelgaymiz,
Ajal ytsa o'lgaymiz. rizo bo'lung, do'stlarim.
Rizo bo'lung o'zumdin, yaxshi-yomon so'zimdin,
O'tung qatig' yuzumdin, rizo bo'ling, do'stlarim.
Qudrat bo'lsa yuringiz, kuch bo'lmasa turingiz,
Duo qila ko'ringiz, rizo bo'ling, do'stlarim.
Do'stlar bizni yo'qlag'ay, fosiqlar ko'n uxlag'ay,
Masjid sari kelmag'ay, rizo bo'ling, do'stlarim.
Sirdin bo'ldi ishorat, munda qildik imorat,
Qilg'ay Rasul shafoat, rizo bo'ling, do'stlarim.
Arslonbobodin bashorat, pirdin tilab ijozat,
Do'stlar qilg'ay ibodat, rizo bo'ling, do'stlarim.
Kaba sori ko'chaluk, zolimlardin qochaluk,
O'g'ul-qizdin kechaluk, rizo bo'ling, do'stlarim.
Tilim so'rsam, qaror yo'q, g'arib o'lsa, so'rar yo'q,
Ymishlarda halol yo'q, rizo bo'ling, do'stlarim.
Kechti quling jonidin, chiqdi xalqni sonidin,
Do'stlar borg'ay so'ngidin, rizo boling, do'stlarim.
Yassaviy, yumg'il ko'zungni, xalqqa aytqil so'zingni,
Kabaga surt yuzingni, rizo bo'lung, do'stlarim.
Следующая публикация
Нет комментариев