Предыдущая публикация
Биз фаришта эмасмиз,
Гунохимиз йўқ эмас,
Қиёмат хисобидан,
Кўнглимиз хам тўқ эмас ...
Ажалимиз ноаниқ,
Балки эмасдир нари,
Тан олдик бу дунёда,
Ўткинчи экан бари ...
Кўзинг тушса агарда,
Бир бехаё кинога,
Юзингга тутгин парда,
Кириб бормай зинога ...
Гунохлардан тийилмоқ,
Яхшиларнинг ишидир,
Қиёмат ёмонларнинг,
Абадий ташвишидир ...
Не ниятда яшасанг,
Ишон охир етасан,
Яланғоч келган эдинг,
Битта кийимда кетасан ...
Пул. Тилла. Бойлик билан,
Етиб бўлмас бахтга,
Юзга кирсак хам билгин,
Келдик қисқа вақтга ...
Неча буюк зўрман деб,
Қанча вақт керилган,
Уларга хам бу дунё,
Вақтинчага берилган ...
Тупроқдан яратилган,
Барча инсонлар асли,
Хаммамиз хам соддадил,
Одам атонинг насли ...
Пул мехр - оқибатдан,
Афзал дейди бировлар,
Афсус қилар сочига,
Қўнганида қировлар ...
Аллох бир шериги йўқ,
Такрор такрор айтамиз,
Биз Аллохдан келганмиз,
Бир кун унга қайтамиз ...
Следующая публикация
Комментарии 1