Предыдущая публикация
Գերմանական մամուլը բարձր է գնահատել Հենրիխ
Գերմանական մամուլը Դորտմունդի «Բորուսիայի» կիսապաշտպան Հենրիխ Մխիթարյանին բարձր գնահատական է տվել Մյոնխենգլադբախի «Բորուսիայի» դեմ ֆուտբոլի Գերմանիայի 2015/16թթ. առաջնության առաջին տուրի խաղում, որում Հայաստանի հավաքականի 26-ամյա ֆուտբոլիստը դարձել էր դուբլի հեղինակ:
Kicker-ը Մխիթարյանին տվել է ամենաբարձր 1 գնահատականը՝ նրան ճանաչելով առաջին տուրի եւ այդ խաղի լավագույն ֆուտբոլիստ ու ընդգրկելով տուրի խորհրդանշական հավաքականում:
Հենրիխին հանդիպման լավագույն խաղացող է ճանաչվել նաեւ Der Westen-ը, որը նրան շնորհել է 1.5 գնահատականը:
Bild-ն ամենաբարձ 1 բալով է գնահատել գաբոնցի հարձակվող Պյեր-Էմերիկ Օբամեյանգին ու հայ կիսապաշտպանին:
Հիշեցնենք, որ Մխիթարյանի դուբլի օգնությամբ դորտմունդցիները հաղթել էին 4:0 հաշվով: Հեղինակավոր Goal.com կայքը եւս Հենրիխին ճանաչել էր այդ հանդիպման լավագույն ֆուտբոլիստ:
Следующая публикация
Нет комментариев