Хәтеремдә Рифкәт абый өйгэ кереп йокодан уятканы "Искәндәр тор... Тор инде диеп"аяктан тартканын... Беренче мәртәбә шулай син тырма тотып чыгасың дигәч яшь малай булгангадыр инде... Мин бөтенләй эшкә чыкмыйм диеп тик сәнәк белән генә чыгуымны белдердем, янәсендә, мин бит кызлар затыннан тугел инде тырма тотып йөрергә... Колхозда печән әзерләү вакытында, яланнар шау-гөр килеп тора иде бит... Бер ничә группага бүленеп печәннән зур итеп эскертләр өя идек иң олы, тәҗрибәле булган абзыйларны башка куеп обедка кадәрле эскертне очлап төшә идек бит...

Бик тәмле итеп пешергән ашларны итләрне ашап бер аз ял итеп ала идек... Шул вакытта шук егетлэр кай бер оло абзыйлар йоклап китсә өске яктан берәр бидрә су коялар иде җиргә су әкрен генә агып киемнәренә үтеп керә йоклаучы ни булды дип сикереп тора, ә тирә якта берсе дә юк инде...

Аннары шул алюминий табакларны алып су сибешә идек, ялан шау-гөр, чыр-чу килеп тора иде..

Бик нык юүешләнсәләр дә җәйге эссе көндә тиз кипшенәләр иде бит... Олы яштәге абзыйлар ат җигергә тырышалар иде, ник дисәгез кичен яланнан кайтканда фурман (чокырына) тобенә әз генә булса да печән салып алып кайталар иде бит.Йорттагы малларга да кирәк бит печән... Без инде малайлар фурманарны әзерли идек, тәгәрмәчләрен дегет белән майлап, чәкүшкәләрен тимерчыбык белән боргычлап куя идек, ник дигәндә, кайтканда чынында ат ярышлары үткәрәләр иде (Монысы тыела иде, ат караучылардан, бригадирдан зур шелтә була иде ) ул ат чабышы вакытында җитез егетләр фурманнан тиз генә сикереп төшеп алдагы барганнарның фурманнарының чәкүшкәләрен тартып алалар, тәгәрмәчләре төшеп кала иде, беренчелек юк дигэн сүз, ни эшлисең бит...Колхозда ял көне юк инде ул... Шулай да печән вакытында якшәмбе көнне "Өмәләр" ясыйлар иде, хәтерлисезме, ул көнне обедка кадәр генә эшли идек, инде обед бәйрәмдәгечә мул ризыклы, өстәүенә ике ир егеткә 18 яшьтән олы булганнарга берәр шешә аракы ә инде безнең кебек малайларга ни шул пачкалы печенье тиеш була иде инде...Шул илә ашы әкренләп кенә аерым табынларга әйләнеп кичкә кадәр дәвам итә иде... Тик мин бер вакытта да яланда исреп йоклап калучыларны я исә гауга куптаручылар булганын күрмәдем, ишетмәдем дә... Элек контора хәзерге магазинга каршы иде, юл аша гына, янында атлар торыр очен таш сарай да бар иде... Рахманов колхоз председателье иде, безнең бер абзый Госман шул сарайга кереп андагы өелеп торган салам өстенә ял итәргә яткан икән, күрәсең салмыш та булгандыр инде йоклап киткән бу ә двор капкасы бикләнми торган иде... Иртән иртүк председатель конторага килгән икән , двор ишеге бер аз ачык торуын күреп ачып кергән, ни күрсен кемдер анда йоклап та ята икән бу Госман абзый була, ул шул вакыт уяна инде, Рахманов :" Ни эшләп бу кызу печән өстендә йоклап ятасың..!?" дигәч "Мин печән өстендә ятаммыни салам өстендә ятам бит...!" диеп җавап биргән Госман абзый шул җавапны ишетеп бер сүз дә әйтә алмыйча кулын гына селтәгән инде... Менә шундый кызык хәлләр дә булгалый иде бит безнең Баязит авылында... Булган хәл.