Предыдущая публикация
Тақдирга тан бериб маҳзун ийманиб,
Ёр ёрлар қалбини тиғлаётган қиз.
Меҳрсиз дунёдан меҳр изланиб,
Кўз ёшга чўмилиб йиғлаётган қиз.
Бу дунё ярми чин ярмиси ёлғон,
Ярми гул чечакдир ярмиси тикон.
Олисдир орзулар яқиндир армон,
Аламлар бағрини тирнаётган қиз.
Сен каби юзлари зебо қайдадир,
Сен каби париваш барно қайдадир.
Муҳаббат қўл етмас олис жойдадир,
Муҳаббат қайда деб излаётган қиз.
Баҳорга юз босиб йиғласанг арзир,
Дунёда золим кўп кўпдир тошбағир.
Сабримни синама эй дунё басир,
Баҳорда гул бўлиб музлаётган қиз.
Йиғлама ёшингдан куймоқда кўнглим,
Бир ажиб ифорни туймоқда кўнглим.
Сен бахтли бўласан албатта синглим,
Ҳаё либос эгнида гуллаётган қиз.
Присоединяйтесь к ОК, чтобы подписаться на группу и комментировать публикации.
Нет комментариев