Предыдущая публикация
ТЫНГЫЛАГЪЫЗ
Тынгылагъыз, эшитген, сёзге,
Тарыгъама, хейле, сизге,
-Ишибиз бармайды тюзге,
Не аман кезиу келди бизге!
Бу дунияда жокъду файда,
Иш жангырып хар бир айда,
Къайгъы кёпдю хар бир къайда,
Харакет къалмады байда.
Акъыллыла тыялмайла,
Халкъны бирге жыялмайла,
Телилери уялмайла,
Тынч жашауну сюялмайла.
Кёп жюрюйдю зорлукъ, зарлыкъ,
Тыйылгъанды келлик, барлыкъ,
Адамлагъа тюшдю тарлыкъ,
Байлагъа жетди жарлылыкъ.
Табылмайды берлик, аллыкъ,
Кёп болгъанды къайгъы саллыкъ,
Жокъ адамла саулай къаллыкъ,
Къайгъысын кёрсюн болаллыкъ.
Жюрюмейди къарындашлыкъ,
Тергелмейди къартлыкъ, жашлыкъ,
Жетишгенди жаланнгачлыкъ,
Келир деп къоркъабыз ачлыкъ.
Мечюланы Кязим
Следующая публикация
Нет комментариев