Дунё ажиб, дунё ғаройиб,
Яшаяпмиз йўлда минг тойиб,
Майли дўқ қил, минг бирин койиб...
Ота қаддин "болам",- деб букма!
Юз ташвишни бор қилсанг чидар,
Дунёларни тор қилсанг чидар,
Мункайтириб, хор қилсанг чидар,
Ота қаддин "болам",- деб букма!
Бардош қилар йўқлик камига,
Кексалигу ғўрлик дамига,
Боқий фоний озор ғамига ...
Лек отани "болам",- деб букма!
Не қиларин билмайди, гаранг,
Зор қидирар дилбандин, қаранг,
Қаддин ердан кўтарар аранг,
Ота қаддин "болам",- деб букма!
Аршни тутар юракда оҳи,
Кўз жовдирар тўлиб сўроғи,
Қарилик гашт келгани чоғи,
Ҳеч отани "болам",- деб букма!
Дунё ажиб, дунё ғаройиб,
Инсон яшар йўлида тойиб,
Дўқ қилсанг ҳам беаёв койиб...,
Ота қаддин "болам",- деб букма!
Оталарни "болам",- деб букма
Севара Ҳайитован: Ҳусноро Бедил
Қалбимдагилар ... 📝 Севара: Ҳусноро Бедил
Присоединяйтесь к ОК, чтобы подписаться на группу и комментировать публикации.
Нет комментариев