Предыдущая публикация
Gulim, ruxsoringiz bunchalar uzoq,
Tovushingiz ko‘ksim yormaydi nega?
Bilaman, bu ko‘zlar, aldoqchi – tuzoq,
Rasmini siz tashlab ketgansiz menga.
Sabolar ketkazmas yurakning dardin,
G‘amgin qushlar sayrar ko‘ngil shoxida.
Ko‘ksimga: “Sevaman!” deb mushtlamadim,
Lek, yashadim shu bir so‘z panohida.
Ohlarim bo‘ldilar tongning nasimi,
Qalbimning tubidan to‘kilmokda – jon.
Ayting, ayting, gulim mening sevgimni
Qalbingizga olib kirasiz qachon?
Следующая публикация
Нет комментариев