Предыдущая публикация
Yig'laydi hazon ko'nglim,
Oh, qadri arzon ko'nglim,
Yomonlardan charchagan
Bechora sarson ko'nglim.
Topmayin bir mehribon,
Ezilib yashar hamon,
Bir chin do'st izlar har on
Mening bag'ri qon ko'nglim.
Istasam istamasam,
Dardkashim yo'q dard aytsam,
Hech kim yo'q joyga ketsam,
Siqilar yomon ko'nglim.
Nega , oh, axir nega?
Bunchalar jabr menga
Begonaman men senga
Tushunmay hayron ko'nglim.
Menga kerakmas boylik,
Bo'lsa bas do'sti sodiq,
O'z bo'yiga bir loyiq
Izlaydi inson ko'nglim.
Burgin yo'lingni baxtga,
Qo'lingni bergin menga,
O'zidek bitta mardga
Muhtojdir har on ko'nglim.
Следующая публикация
Комментарии 1