Агар Мавло насиб кихт нозиёни.

Йи хоих мунд ичро ца кихт акони.
Уз хоихум тонец яст олам мурд ло.
Ту зинда виху зинда зиндагони.
Ага хоч му ца кихт рузи хароми.
Ё ку дин аз му кихт яст бадгумони.
Мунд аз рохи гунох рохи начот ив.
Ту зинда виху тоза бандагони.
Агар цемен бидембум боварум уз.
Ту пов пибир чахон симат зарум уз.
Ди мало мунд хоч аз марги берахм.
Ту зинда виху гап нист турд марум уз.
Ту чис давра гузар давра равони.
Рузак башанди вирт рузак зиёни.
Туят ик мунд дивад уз бад гамум нист.
Ту зинда виху аз ганда амони.
Агар ёдум ху умри бенаво уз.
Уз аз ви лап кинат мотат фано уз.
Ку шич якбор му лак ту зонакенти.
Йи охи сард дам аз фук бало уз.
Агар Заифи умри нотавони.
Ю дусах аз кудаки то калони.
Туят ик мунд дивад уз бад гамум нист.
Ту зинда ви му чаннат човидони.
Туят ик мунд дивад бихишти мис мунд.
Ту зинда ви му чаннат човидони.